鄥堅巴評傳

🐯Tiger🏑, [23.04.18 17:36] 《鄥堅巴評傳》讀書報告 讀完《細說西藏歷史文化》再下一城,再讀作者李惠玲博文論文之作:《鄔堅巴評傳》。 鄔堅巴係西藏噶舉派(俗稱白敎)大成就者,生於十三世紀,正值𨍭世靈童制度初立,蒙古人統治大地年代。 故事主人翁鄔堅巴本來生於貴族,學習佛法十二年後將佛學放下,決定把人生餘下五十多年專注於修練西藏獨有「時輪金剛乘」。決定離開家園,向印度方向去尋找法術傳授,亦想尋找「時輪金剛乘」聖地:香巴拉,亦即所謂「香格里拉」。 「時輪金剛乘」是藏密最重要修行。傳說由佛陀傳下,不過歷史學家相信係由印度密宗1027年左右傳入西藏。「時輪金剛乘」本身非常受爭議,因為內容主要係咒語及男女雙修。因為主角鄥堅巴長得俊俏,所以不時有女人投懷送抱。令我聯想到唐三藏取經時「女兒國」、「盤絲洞」情節。鄔堅巴修成後,人變得瘋癲,經常有幻覺,性情由溫雅變成暴躁。 鄔堅巴傳奇本來是藏佛中機密,被收藏幾百年,加上藏密修行非常神秘,所以這本書所披露資訊十分珍貴。亦側面講當時西藏內外政治環境。 李惠玲博士響書入面有《鄔堅巴傳》翻譯,亦有佢個人歴史考證評語。所以叫《評傳》。 呢本書比《細說西藏歷史文化》專門,而且內容神怪,例如鄔堅巴可以日行千里,隔空點穴,唸咒驅疫,同女人性交時大地震動。最神奇係晚年修行大成後體內有「微細身」自己可以同自己性交,不斷高潮。如果對西藏歷史、宗教沒興趣,實在很難讀完。 呢本書比較專業,所以入手指數兩星(五星最高)

Advertisements

自私的基因

King Y, [08.03.18 22:29] 自私的基因由道金斯所著,圍繞生物與基因的關係作詳細討論。書中開首數章先簡單介紹有關基因的基本知識如DNA與基因之關係、基因於地球之形成、為何基因要構成生物等。其後則是將「基因利己而形響生物行動」一原理於親子相處、兩性相處、互助機制、團體結構等範疇去論證。於第十一章,作者提出了瀰(meme)——文化/概念版本的基因概念去論述人類的行為為何並不完全受基因所左右,亦探討了濔的演化和傳播。於第十二章,作者主要講述各種生存策略之間的對奕,並得出某一兩種策略會成為進化穩定策略的結論。在最後一章,作者提出了其於另一作品所論述的概念——延申的表現型,並展示了基因的物理世界的影響遠比我們想的大,再籍此解說基因為何要和其他基因構成生物,組成命運共同體。 本書所指的「基因是自私的」並不是指基因具有意識去選擇或行動去惠及自己,而是指自然世界會偏好利於自身傳承的基因,任何不擅於傳承自身的基因都會被逐漸淘汰,消失於世上。閱讀本書必須明白的一個理念是「基因」和「生物」是兩個不同的概念,對基因而言,生物只是其用以傳承自身的工具,「基因」和「生物」不一定擁有共同的利益。故假若有利自身傳承,會為生物帶來危險的基因仍會傳播並成為主流。書中正是以這原理解釋生物為何會為其他生物犧牲自己。基於以上原理,本書在開首成功呈現了生物一切行為俱是受基因所擺佈的概念。而在第十一章,作者更進一步提出瀰的概念去解釋為何人類並非全部行為都有利其基因傳播。瀰或者說文化的存在讓人類有了不以繁殖傳承的價值,令人類的行為不再全然受基因擺佈,令人類不只是臣報於基因的乘載者及傳播者,而是具有獨立意志的個體。 本書多次提及進化穩定策略(Evolutionary Stable Strategy, ESS),指生物中會有一或數種行為模式會成為主流模式,並不被極少數的其他行為模式動搖其地位。其亦多次以博奕論中囚徒困局來解釋不同基因的所致的行動如何影響生物繁衍及其自己傳播最後形成平衡。儘管本書看似富有「生物不論幫助他人、或繁殖等所有行為全是基因自私的計算。」此相對冷酷/悲觀的立論,其最終卻得出一樂觀(?)的結論——生物競爭中「好人」會形成主流/得益。如果對囚徒困局有了解的人可能會知道單次情境及重複進行會引致不同的策略主流。而生物演化的過程碰巧正是後者,令演化當中和其他個體合作/誠實相處的基因可成為主流或者起碼流存於世;這過程同樣讓犧牲自己幫助親人的的基因流傳。基因自私的利己打算,最終卻造就生物的利他行為,自然的奇妙莫過於此。 總括而言,雖然本書著於一九七六年,但書中仍有不少概念叫人目耳一新,仍可帶來不少反思,值得花時間一讀,了解一下何謂「自私的基因」。

海洋帝國:決定伊斯蘭與基督教勢力邊界的爭霸時代

46861, [05.03.18 15:52] http://www.books.com.tw/products/0010736685 入Group咁耐都冇分享過書,而家打番少少。海洋帝國講緊過往地中海歷史,主要提及鄂圖曼帝國與拜占庭帝國等基督教世界之間的對奕。呢本書最獨到的地方係將史料整理成客觀的時間線,交待雙方行動原因及先後,同時提及各種『可能性』。因為重整史料過程困難,有偽史、帶個人色彩的一手史料、記事方式或先後之序對立的各種情況;能夠重新呈現客觀歷史而不失故事性,並且將歷史侃侃道來確實不容易。同時,係呢一套書同亦交待宗教世界的利益衝突同各方發展,將整套讀完會對中世紀各勢力間的角力有更深入了解。 呢一套書伴隨我走過好一陣的艱難歲月 46861, [05.03.18 15:54] 以前會睇開GGS個社科,最近睇小說類,都有take下course讀存有主義

詳細嘅話要花啲時間🤣 不過簡單少少嚟講,文字絕對係好靚,睇吳煦斌個人會好投入咗大自然 佢啲意象寫得幾深同隱晦,唔易睇,我亦覺得自己未完全睇得明,遲啲會再睇多一兩次 但幾中意佢寫好多「他者」,無論係文化、經典故事同社會裡面,佢會寫啲比人忽略嘅角色,用佢地嘅角度寫,幾新鮮 每個人嘅文字唔多唔少反映性格同心境,好好奇點解佢會寫到咁陽剛氣嘅文字,一啲女性嘅味道都無 -- By Mo 2/2018

後殖民食物與愛情

「好像要真正能挑選什麼是自己要吃進口的食物,不是被各種力量擺佈了,你才是真正的獨立。」 《後殖民食物與愛情》如題所示,不離「後殖民」、「食物」與「愛情」。作者花十一年書寫香港1997年後的十年光境,一群人在後殖民時代交錯組成的12個食物與愛情相關小故事。 香港回歸後,人們走的走,留的留。回想97年前人心遑遑,害怕轉變,結果是「有轉變,但不是原來擔心的改變」。縱時代再多事件,市道再低落,人們還是要吃,也就少不了食物。香港混雜了中、西、不同階層的人,彼此或語言文化不通,可食物還是共同語言。書中細寫種種繁複和中西合壁的食物,有人講究純正,亦有人渴望集不同地方大成,正好是香港寫照。而「食色,性也」,也離不開愛情,浪漫也好離合也好,緣來緣去的淡淡故事成就此書,也許也是我們與身邊人的生活。 也斯寫了許多不同年齡、不同背景的人物。他在後記引用Walter Benjamin的話:「每個早晨帶來全球的新聞。然而我們卻匱乏有意義的故事。因為每件事傳到我們耳中之前,都早已被他人闡釋盡透了。換言之,現時發生的一切,不會對說故事有甚麼幫助,一切發生的只有利於資訊。事實上,說故事的藝術,正賴於在敍述時擺脫強加的解釋。」這正正是他在本書說故事的態度:沒有穿鑿附會的艱澀理論和詮釋,只是一些小城小事—— 他描述香港地道小事。試過從港島的CBD乘上個幾兩個鐘車到屯門探個朋友嗎?「才不過坐了一程960,愛時髦已像是歷盡滄桑」一句叫人會心微笑。至今仍被人笑為騎牛重地的新界西,看來不止十年光境,至今近上廿年也沒大轉變。 也有寫典型人物。如回味過往輝煌而不屑現今半中不西的老前輩、仰慕純正西方來佬嘢才是真正好嘢的「偽ABC」、由純樸女生變成把投資掛在嘴邊的勢利港女,也記載了很多夾雜在渴望為人認同,卻又自我迷茫的時代夾心人。或許中肯而言,「在這龍蛇混雜的江湖裡、儘管不少食肆浪得虛名,其實還是不少大隱於市的高手。在這價值標準混亂的時刻,各種平庸與偏激的言論各有市場。」就是香港城市人寫照,中西夾雜,是混亂也是豐富。 人們對話中也輕描淡寫地夾雜時代大事。相信大部分人也如故事中人一樣,受到種種大事直接影響的也許不多,雖稍有距離,但又是心有所感。雷曼事件、皇后碼頭、花園街大火、沙士、大陸假冒食物等等。閱讀此書就像回味自己一路的生活,重遇和邂逅不同的新舊臉孔。在現今2017年,中國與香港一國兩制的關係轉變加劇之際,此書對香港人的心態刻劃更是令人深有所感。無怪是第十一屆香港中文文學雙年獎的得獎作,值得推介。 - by Mo 3/2017 *** *** *** *** 後殖民食物與愛情 by 也斯 係小說,說是短篇集也可,長篇亦得,得左。 開篇一班老朋友於熟人酒吧雞手鴨腳亂中有序為久違嘅聚餐落手落腳,文句間滄桑似是末日前最後一次。之後每篇各登場一個客人做主角,故事有笑有淚,見證香港最光輝後殖民時代。 也斯寫後殖民嘅食物係name dropping,一心面向同享「集體味蕾記憶」嘅香港人,捨棄食家般費心累贅嘅描寫。耐唔耐附送一兩句咀刁刁評語。唔做作,係當年嘅飲食文化。 寫後殖民嘅愛情,同香港一d歷史事件綁埋一齊,情緒相當輕手唔甜唔膩,快刀斬亂麻。係回歸,沙士,雷曼呢d歷史大事面前,感情事顯得咁細碎,不如當記錄歷史咁jot低離離合合round 1&round 2,同埋保留偶爾瑣碎嗌交紀錄,等大家judge。A嘅罪名係「唔識食」,B嘅罪名係「膚淺」,C嘅罪名係「永遠扮受害者」,冇得上訴,槍斃。Bang! 反正香港地出名生活節奏快,精彩嘅野如同美食一樣泛濫,每樣都值得試下。香港人嘅拍拖同結婚,知道最終結果係邊個啱邊個錯就ok。過程唔好咁煩,唔洗太上心,最緊要努力返工,努力食好野。「香港人係咁架啦」 也斯記錄嘅係上一代香港人。係我地成日笑「唔敢罷工奴性好重」果代人。「唔敢罷工奴性好重」背後原來都有d故事。同樣係香港,本土可以有另一種解法。深入了解下佢地,所有取捨都咁合情合理。d前輩唔可以睇小。 當米線鋪開到成行成市被歸咎去「新移民多左」,當睇愛情小說講出黎會俾人笑,當鍵盤戰士都怕炒車保持沉默。我發覺我地呢代人比起「奴性好重」果班前輩多左好多自卑。 - by DKKI 2/2018

叔本華的辯論藝術

書評:《叔本華的辯論藝術》 諗番起 呢本書原來已經買咗兩年 當時係台灣誠品買 係台灣旅行嗰陣痾爛屎揭過幾頁 番到香港都直接入櫃冇睇過了 言歸正傳 呢本書其實唔厚 大約百五頁 而且顯淺易懂 寫得都算幽默 今日掘番出嚟睇一陣就睇完(悲慘世界太重 出街唯有睇其他書) 呢本書唔似其他關於辯論嘅書 志不在辯出真相 而係教你做個方唐鏡 唔理有理冇理 最緊要死都拗番生 真理 謬誤 老屈 人身攻擊都係可考慮嘅選擇 當然亦有教仲區分唔同嘅邏輯謬誤 同埋遇到用書中招數嘅無賴點以牙還牙 最後有趣嘅係縱觀當今香港政棍 平時講嘢嘅簡直同書中招數如出一轍 所以無論你想做個語言藝術家 抑或只係唔想繼續做羔羊 都值得一讀 -- Cirilla 2/2018

泉鏡花嘅逢魔之時

書 : 泉鏡花嘅逢魔之時 呢本書收錄咗《天守物語》(劇本),《歌行燈》,《外科室》(短篇小說)同一啲妖怪小品。收錄作品中其實都睇到泉鏡花嘅創作風格,妖艷而唯美。 《天守物語》係人同妖怪嘅戀愛。《外科室》係我第一篇接觸泉鏡花嘅作品,覺得好乎合佢嘅筆名,鏡花水月。故事入面嘅夫人寧願忍受巨大痛苦,都唔願意落麻醉藥,就係怕自己會洩露秘密。 《歌行燈》寫嘅係一種宿命,鳳緣。因為呢個新譯版好多註,而且入面有3條線,所以睇得好慢。睇第二次時就會慢慢領略到入面嘅緣份。入面最喜歡嘅係段落係: 「她將亮晃晃的舞扇高舉道前髮前方,宛如一支玉簪,貼在額頭上,肅穆的動作十分俐落,宛如隨月出漲潮的浪影。在光線之下,她平靜地展開扇子,遮住臉龐,僅能從扇子兩側的扇柄,瞥見彎曲的白色手指。 (長略) 夜深了。小鎮天寒地凍。不知從何處傳來笛聲,恩地喜多八獨自一人,躲在湊屋屋簷下的暗處,露出深黑的影子,站著唱唸,月兒從高處照亮廂房,在他的臉上落下扇形光影。這道光影,與宴會廳裡的舞扇恰似正反兩面,完全吻合。」 呢兩段睇得出泉鏡花嘅描寫能力,同意象嘅運用。佢的確係一個唯美派嘅作家。 另外本書仲有收錄一啲泉鏡花嘅趣事,例如佢係有啲潔癖,或者佢相信言靈,所以文字嘅選用都會用得好小心。如果係想了解呢個作家嘅話,呢本書算係個入門選擇。(不過其實泉鏡花嘅中譯著作都唔多) -- Tt

The Theory of the Leisure Class 有閒階級論

有冇人聽過Thorstein Veblen?佢係一個美國社會學家,寫左一本書叫有閒階級論(The Theory of the Leisure Class ),係入面提出左炫耀消費呢個概念。Veblen認為,人係會通過對物質生產無促進嘅消費嚟展示自己地位。呢一種行為亦會表現係時尚方面。 舉例而言,白領階層會打領呔著皮鞋,去話俾人知自己並不需要從事體力勞動,因為呢兩樣衣物係會明顯咁制約到肢體活動。將呢個理論應用於闊腳褲,就可以得出闊腳褲係superior clothing這一結論,因為闊腳褲嘅褲腳直徑大,一個人著住闊腳褲係好難係廚房/工廠等等體力勞動工作場所活動嘅。呢一點坊間亦係有所留意;正正係因為呢個原因餐廳先至要求炒散員工著黑色褲。規定側面佐證左闊腳褲係優勝衣物這一論點。 - Lonely Lonely Christmas 6/2017 ====== ====== ====== 之後有人俾上面篇review引左去睇本書,再引起討論 ====== ====== ====== Cirilla💋💋💕 Angela Yuen💕💕💋, [Dec 9, 2017 at 8:18:39 PM]: 睇完成本書 頭先有段覺得對香港人影響深遠 作者認為古典文藝呢類嘅人文學科 係冇助經濟發展 只會做成拖累 講到係垃圾咁濟 香港人完美繼承呢種思想 收膠已成習慣, [Dec 9, 2017 at 8:21:43 PM]: 因為香港人只著重效率同數字 簡單啲嚟講叫膚淺 Cirilla💋💋💕 Angela Yuen💕💕💋, [Dec 9, 2017 at 8:26:40... Continue Reading →

戀文的技術

AT, [Nov 6, 2017 at 6:33:54 PM]: ...書名:戀文的技術 作者:森見登美彥 書名睇落似係the elements of style之類嘅寫作工具書,但實際上係小說,而且唔係愛情小說,如果要歸類大概要稱之為無厘頭文學。 故事講述主角大學畢業後遠離家鄉進行研究,寂寞難耐又冇事可做,萌生左寫信鍛練寫作技巧嘅念頭。小說分左十二章,全部都係主角寫俾朋友嘅書信。例如第一章教個fd追女仔,但出親都屎橋,愚蠢程度超出常人,感覺似睇緊周星馳笑片;第二章寫強勢學姐,第三章寫補習學生......角色之間互有聯繫,咁多封信拼砌之後得出事情全貌。 雖然基本上冇對話,而且得主角單方面敍述,不過作者9up水平幾高,所以故事都幾生動豐富。另外,主角因應自己位置,寫俾唔同人會有唔同態度、內容取捨,好似佢寫俾妹妹就不斷美化自己,想佢尊敬自己。算係呢本書有趣之處。 PS 呢部用左唔少作者前作《春宵苦短,少女前進吧》neta,有興趣可以睇左先。

Homage to Catalonia

Homage to Catalonia by George Orwell 本書係Orwell 係西班牙內戰的自傳,佢係前線,受傷,巴塞隆拿巷戰,政治內鬥以及離開巴塞隆拿的事情。 Orwell參與的戰鬥其實冇咩睇頭,因為佢身處的前線比較平靜,而去到後面當參與戰爭的各個政團內鬥反而更好睇。 而本書有兩個附錄(原本係chapter)係講政治內鬥,同埋蘇聯點影響呢一場內鬥,仲有就係批判媒體報導等,呢兩個位係好好睇。而呢場政治內鬥就令到Orwell呢一位左派咁不滿蘇聯。 如果你係想睇西班牙內戰歷史,本書就唔係好好的選擇,不過你係想睇戰爭的個人經歷就係唔錯的選擇 🙂 -- Filibuster_HK 11/2017

沒有色彩的多崎作和他的巡禮之年

村上春樹 沒有色彩的多崎作和他的巡禮之年 Colorless Tsukuru Tazaki and his Years of Pilgrimage 多謝書谷Gill巴打借我英文版☺️。果然比中文版譯得好太多,好流暢同簡潔。後尾我揭下中文版想知角色名個漢字係咩,賴明珠叫顏色人做「紅仔/藍仔」咁,覺得個親暱程度拿捏得唔太好,明明係令人沮喪嘅回憶黎。 情節背景故事,呢d元素係村上嘅書入面唔太係重點。多崎作中學時代同4個朋友有一段非常美好嘅友誼,果4位朋友嘅姓氏分別係4種顏色,係多崎作眼中佢地個性鮮明多姿多彩,多崎作覺得自己係colorless,係多餘嘅人。而巡禮之年係本書嘅主題曲。多崎作後來再遇到一位顏色人「灰」,同遇到佢生命中非常重要嘅女性。其他嘅唔劇透了。 書入面我鍾意嘅一句係「所謂talented ones係精密儀器,錯少少就冇辦法fully function。」(大意係咁)。呢句同故事冇乜關聯。比如主角就唔係咁。多崎作每個夜晚都寂寞到「男人老狗」狀態,到左朝早又變返一個可靠嘅Engineer。又比如4個朋友之一「白」,作為主題曲演奏者離開鋼琴唔再係talented ones。多崎作嘅寂寞好似霧氣咁蔓延,經村上精心營造讀者會好有共嗚。個故事冇乜指向性,每個人會睇到唔一樣嘅訊息。我會見到有d似國境之南果種emptiness,只係個root唔一樣。多崎作deliver一種更加universal嘅冇力感,「係我唔夠好所以註定得唔到幸福」,好似可以apply係任何人身上😭 不過多崎作缺少左用理性做手段幫自己搵出路呢種特質,我覺得有d可惜。村上唔擅長行理性路線。所以嫌本書太過風花雪月。未去個角色定居係我心入面咁鍾意。 -- DKKI 10/2017

雙城記

Cirilla💋💋💕 Angela Yuen💕💕💋, [Oct 27, 2017 at 4:45:21 PM]: 唔知算唔算書評 當我講下啟發/感想 可能有少少劇透 雖然睇到一半就會講 狄爾斯嘅《雙城記》當中 Charles同Sydney同時愛上一位叫Lucie嘅小姐 有趣之處係呢兩個人嘅樣貌都非常相似 兩人亦都向呢位美麗嘅金髮玩偶表露自己嘅愛意 然而 受幸運之神所眷顧嘅係Charles 點解溝到Lucie並唔係樣貌近乎相同嘅Sydney呢 Deleted Account, [Oct 27, 2017 at 4:54:34 PM]: 咁啱睇緊跟住睇到你呢段 Cirilla💋💋💕 Angela Yuen💕💕💋, [Oct 27, 2017 at 4:57:25 PM (10/27/17, 5:03:51 PM)]: 咁可能啲人就會諗 唔係樣嘅問題就係錢嘅問題啦 雖然Charles係一位教法文嘅家庭教師 稱得上中產階級 但Sydney亦唔係咩窮撚 係一位彼有地位嘅律師嘅助手 錢財方面唔見得輸畀Charles 當然狄更斯並冇講佢地兩位收入如何啦 呢段唔係咩重要嘢嚟 所以我認為決定性嘅因素在於其性格 Sydney 係一位陰鬱 憎恨自己 甚至厭世嘅人... Continue Reading →

Powered by WordPress.com.

Up ↑