History of the Peloponnesian War

Thucydides, History of the Peloponnesian War 習大大上臺之後,提出”中國要避免修昔底德陷阱”,雖然我都粗略睇過兩三本Peloponnesian War專著,但仍然係”摸不著頭腦”。上網一查先發覺”修昔底德陷阱”係指崛起國家同原有霸主不可避免嘅衝突。 但係用Peloponnesian War比較當今局勢未免有d失當- 將前者比喻為古典時代美蘇爭霸或者更佳。雅典係民主文明嘅源泉,可以係當今美國見到其影子(千年後Jefferson設計維珍尼亞州公共建築亦照搬其設計)。而斯巴達嘅制度則或多或少與蘇聯相似。 相當有趣嘅係,兩個城邦嘅軍隊亦反映左佢哋各自嘅制度;斯巴達重hoplite 為主嘅陸軍,而雅典偏由trireme組成嘅海軍。係希臘時代hoplite ,一如後來羅馬公民兵,由自費購置武器裝備公民組成。因此只有富貴人家先俾得起$當兵,而當兵,係冇驚”香港好亂”同”勤力番工買樓”中產嘅古典時代係莫大榮耀(美德virtue源自拉丁文,本身唔係指扶婆婆過馬路一類行為,而係單純指男性作戰時嘅勇武)。呢個制度鞏固左精英係重陸權國家嘅地位。 – by Lonely Lonely Christmas 10/2017 Advertisements Continue reading History of the Peloponnesian War

政與源

剛剛睇完三浦紫苑的政與源,成本書依然係三浦的一貫風格。三浦紫苑係香港比較出名應該係啟航吧!編舟計畫(改編為電影字裡人間),強風吹拂同哪啊哪啊神去村。 成本書都係講兩個由細識到大的阿伯—國政同源二郎的日常,一個退休人士,另一個係一個玩世不恭的花簪工藝師,成本睇完晒其實都講唔出咩大道理,不過平平淡淡又其實幾好睇。 當中國政同源二郎兩個阿伯的行為同國政的反思同內心戲,而且描述得十分細膩,平凡而有趣。 另外,我自己幾推薦強風吹拂呢一本,係講十個住係竹青莊的大學生去參加東京箱根間往復大學驛傳競走而努力的故事 – by Filibuster_HK 10/2017 Continue reading 政與源

最後家族

書名:最後家族 作者:村上龍 同好多探討家庭議題文學一樣,將「家」睇成有機體,並非跟足教條參考歷史就可以養成理想狀態。而台版個簡介將個focus擺左係長子身份上–禦宅族,將個故事變左佢重獲新生(?)。呢個屋企曾經係要求所有人每晚必須準時共進晚餐,父親耗盡心力提供傳統意義上最美滿嘅生活俾屋企人。家庭成員嘅意志各有形態,產生左唔肯出房門嘅細膽阿哥同永遠唔係屋企嘅反叛細妹。村上龍小說引人入勝之處在於佢觀察入微,將兩個人完整咁由內到外記錄低係紙上,近距離到做密友都感到太過接近咁discomfort。書入面好似曾經有類比,話佢地轉變有如幼蟲化蝶,都可能係我記錯。反正佢地係困局入面搵到一d野,然後向住果樣野全速前進。冇諗住要成為有用嘅人or出人頭地,順住心意咁努力左先算。都係一種生活態度。 近排自己走左入個困局入面,今日突然諗起書入面個男主角。以為其他人都開心快樂積極上進咁生存緊留返自己頹廢如爛泥係咪自我安慰?其他人只係唔敢怠慢。覺得自己一冇所有,心冇雜念咁前進其實非常美麗。試下咁同自己講先。 – Dkki 9/2017 Continue reading 最後家族

在咖啡冷掉之前

在咖啡冷掉之前 書名:在咖啡冷掉之前 作者:川口俊和 拜託了,請讓我回到那一天! 故事講述在某條不知名的小徑上,有間咖啡店,有著不可思議的都市傳說。當中有個神秘座位,只要坐上那座位,就能回到你所希望回去的那一天。 倘若要回到過去,就必須遵守多條麻煩的規矩,而其中一條規矩是「回到過去之後,無論如何努力,也不能改變現實」。想要回到過去,皆因後悔或不滿現狀,因而希望有所改變,若然無法改變現實,那麼辛苦回到過去亦是枉然,這是我最初的想法。然而,讀到後期就會慢慢領悟到,亦是作者想要藉着這本書傳達的想法:現實是不能改變,但自己的「心」卻可以改變。已經發生的事改變不了,但未發生的事則有無限可能, 與其沉溺於往事,倒不如想辦法讓自己走出陰影。 此書由四則故事構成,愛情親情各兩則,而第三則故事令我印象深刻。故事以「姊妹」為主題,講述姊姊因自己一廂情願的猜測而躲避着妹妹,直至與妹妹陰陽相隔,姊姊才願意正視自己一直逃避的人和事,即使遇上種種難題仍然咬緊牙關,不再逃避。就算坐上那神秘座位,現實亦不能改變,姊姊無法阻止妹妹的死,但她依然堅持要回到過去,去見那個到最後一刻仍躲避着的妹妹一面。 妹妹的離世固然催淚,但真正觸動人心的是妹妹對姊姊的告白。姊姊長年躲避妹妹,根本不會知妹妹的心思,更一廂情願地認為自己被怨恨着。但當姊姊明白到妹妹的心意之後,她已經失去了這個唯一的妹妹,她能做的就只有努力完成妹妹的遺願。在小說中,姊姊有機會作最後的彌補,但活在現實的我們呢?我們沒有時光旅行,我們只能讓自己鼓起勇氣,至少讓自己沒有遺憾。 – by Sindy 8/2017 Continue reading 在咖啡冷掉之前

Imagine Math: Between Culture and Mathematics

Imagine Math: Between Culture and Mathematics, edited by Michele Emmer 正如本書第一章簡介中第一句就引用 John Lennon 的一句話:「Imagine all the people Sharing all the world …」,數學在人類歷史上出現超過六千年,唯一可以連接文化及想像。過去有著名畫家如 Andrea Pozzo,構圖用數學方法去定位;亦有會計之父 Luca Pacioli 用數學方法所提出劇院如何形成好角度做最佳觀賞、回音及構圖,亦著重平面畫作有黃金分割線作重心。 本書屬於一本文集,由不同作者寫出一堆相關的文章。此回顧只會略略回顧某部份。 第一係講一本書 The Emperor’s New Mind 當中的一節 Tor’ Bled-Nam,點出了分形的出現。分形是幾何近幾十年的新課題,Benoit分形的出現。分形是幾何近幾十年的新課題,Benoit Mandelbrot 發覺原本幾何學將山看成圖錐,雲就看成球體等不合理,而自然應該走向整體更複雜,但又保持著自我相似的簡單情況。結果分形幾何出現,並更多證實與自然界更為相似。這當然是近幾十年其中一個影響深遠嘅數學發展。 另一要回顧就是數學與文學。作者提出了流派及創意,都是按前人的創作而產生。但如果用統計或者 Ngram 分析,流派是經不起考驗,並不存在。即使用了統計學上的分類方法,很多時都同巧合差不多。而亦有作品要依靠數學才解讀到,例如有文章專研 Borges’ The Library of Babel,點入點出無數學去睇就只會是一個迷宮。其實文學作品用了數學亦無可厚非,始終有很多奇特的想像要靠數學幫手才可以實現及理解。 最後一部份要回顧是數學與電影。有一篇文章談討了過去40年在電影中出現數學家的形象變化,由一開始神神化化或者心算天才去到後來解題專家,或多或少都反映了大眾心目中更多的知識及取態不同。而另一篇文章講及 The Mobius Strip,而這個亦已經變成很多電影的橋段,往往不論情節或是遭遇都從未離開過自己的起始點,正正就是 The Mobius Strip 給予大家的觀感。 – by Khinchin Continue reading Imagine Math: Between Culture and Mathematics

Graduate Studies in Mathematics

這本應該係第一本講點同線嘅組合。看似係好易,連小學生都識如五條線都要穿過四點就一定係星形, 但其實可以好複雜,連幾時會出現多過一個答案都唔知。而要每條線都穿過 6 點就至今估計要大約 110 條線。 本書主要講 3 點及4 點情況。很多情況看似可以用直線畫出,但幅圖根本唔可以平面畫出。而當中有好多一組組星雲圖會出現,亦有類似但同一類別轉化嘅情況…當去到更多點時,情況就極複雜,可以是一組組小花圖,小星圖,去到最終盡化係無限線或以圖形一個個組成。不過實在太多未解答的問題,很多時都是只是指示有如何發展方向。以下一些圖…..   – By Khinchin 8/2017 Continue reading Graduate Studies in Mathematics

誰殺了韋勒貝克(地圖與版圖) La Carte et le Territoire (The Map and the Territory)

聽完 Irwin 推介睇咗韋勒貝克(Michel Houellebecq) 嘅《誰殺了韋勒貝克》(Le carte et le territoire / the map and the territory),如果對藝術展、法國、人與人同社會距離、老病死有興趣嘅,呢本書應該好合口味,有Art 底嘅應該會有更深嘅理解同評價,唔怪得推介俾Noir,我都唔敢review 啲乜 除咗用文字虛構出幾個展覽同畫作好有趣外,作者都幾鋒利咁批判現化商業社會同藝術嘅關係、現代社會同有錢人嘅品味、倚賴現代科技而忽略基本等等。呢啲描寫係絕對尤重法國,預想咗將來法國嘅發展,藝術又以咩形態生存。 另外,幾中意佢對距離嘅描寫,處身喺社會裡面,人係孤獨嘅個體,同家人、愛人疏離,同愛人再親密原來都有不觸及嘅話題,反覆嘅遠離同靠近……氣氛好蒼白、淡如水 再強調,呢本嘢個譯名係好有問題,明明叫《地圖與版圖》(好似同Alfred Korzybski 有關),但因為作者寫自己比人剁碎咗就搬嚟做書名,仲要劇透咗內容……明明唔係推理小說🤔所以可忽略標題,拎上手睇睇 – By Mo 7/2017 Continue reading 誰殺了韋勒貝克(地圖與版圖) La Carte et le Territoire (The Map and the Territory)