暴君 明君 女人

好想同女仔講野&History 縱觀歷史,可以發現好多政治家都係好想同女仔講野嘅。擴大選舉權到工人階級、成功於柏林會議化解危機嘅英揆Disraeli,就唔去exclusively male 嘅club 睇報紙食煙,反而走去同女仔傾計。 奠定福利政策基礎嘅自由黨首相H.H. Asquith,開內閣會議就唔會寫咩notes,而係寫信俾女仔講野。 相反,好多暴君同一般印象唔同,唔想同女仔講野。希特拉係慕尼黑時期成日帶埋一大班人去一間cafe。但係同行d人都唔知同佢講咩好,因為佢冇咩興趣不但止,仲唔想同女仔講野。 – By Lonely Lonely Christmas 8/2017 Continue reading 暴君 明君 女人

亦舒

見到樓上講亦舒 其實某程度上亦舒嘅男女主角背景設定同韓劇冇咩大分別,都係男嘅高大有錢靚仔,女嘅清秀倔強有氣質,只係啲對白同行為冇韓劇咁離地 睇咗好多年亦舒,最俾佢洗腦嘅係女人要經濟獨立,莊敬自強,唔好依賴男人,無論做咩事姿勢最重要,一露出狼相就輸了 佢啲舊作長篇中篇都好正,除咗朝花夕拾、我的前半生,喜寶外,玫瑰的故事、美麗新世界、圓舞,如果牆會說話都值得睇。近年嘅就算啦,覺得師太有啲似賣咗個名俾徒弟出書,同以前係兩回事嚟嘅。 利申:幾乎睇哂師太嘅小說同短篇 – By 青豆   亦舒同衛斯里,即係倪氏兩位作者,我認為18歲之後不宜再讀, 前者係用相對狹窄既視野睇世界,後者好似用文字拍電影,然而拍既係公式電影。 兩個作者無論寫得再多,都是作者,寫的東西都不會成為文學。 (你如果鍾意女性自主,何不聽聽維珍妮亞吳爾芙女士點講?) 有趣的是,香港女人鍾意睇既講愛情既女性作者,張愛玲亦舒深雪本身都冇咩愛情建樹 – By 傻祥扶弱 8/2017 Continue reading 亦舒

密碼學/加密貨幣原理 (2)

– By underpants 7/2017 原post > http://lihkg.com/thread/335340/page/1 ——前方高能,數學恐懼人員請從速徹離—– 有public key, private key,就可以做digital signature入面最重要既一步:簽名 起generate 簽名之前我地仲要計一對暫時性既private key and public key 而家define k = 暫時性private key r = 由k gen出黎既暫時性public key既x coordinate s = k^-1 * (Hash(文件) + my private key * r) mod p where p = 2^256-2^32-2^9-2^8-2^7-2^6-2^4-1 (s,r)呢組數就我簽比呢份文件既簽名 當對家要verify呢個簽名,佢就要計 s^-1 * Hash(文件) * G + s^-1 * r * my public key 呢個結果係一組coordinate 如果佢既x-coordinate係等於r, 咁呢個簽名就係有效既 … Continue reading 密碼學/加密貨幣原理 (2)

密碼學/加密貨幣原理 (1)

– By underpants  7/2017 原post > http://lihkg.com/thread/335340/page/1  起google都搵到唔少Bitcoin簡介文,但係通常都係寫得好簡單,寫左幾個特點出黎就當解釋左。 咩「去中心化」 「掘bitcoin即係解一個好複雜既方程式組」 「blockchain安全性非常之高」 但係又唔講果條方程式係咩,點解咁安全又會有新聞話bitcoin比人偷左所以我睇緊書學cryptocurrency底層既理論同技術 唔敢話好識,只係想一路睇書一路做筆記,順便分享下比大家睇。 有咩理論問題可以拎出黎討論一下。 我係由理論層面出發,想知道cryptocurrency係點樣implement 「邊個faucet好用」 「邊個exchange好用」 「邊隻altcoin值得投資」 「join邊個mining plan最快回到本」 呢D我真係唔係好識 如果你有D技術上既問題都可以post出黎大家研究一下。 因為cryptocurrency入面最出名既係bitcoin,所以好多時候都會用bitcoin黎做例子 而且bitcoin係始祖,其他altcoin都係改進左bitcoin既弊病而誕生 要明白altcoin有咩好,就要先明白bitcoin有咩唔好 要真正明白Bitcoin,就要學識最基本既cryptography先。 所以會先講下cryptography既基本概念先 初頭諗住講下 cryptographic hash function digital signature 先 然後再講下 bitcoin既address構成 咩叫做block, 咩叫做blockchain, 咩叫做mining 出post速度唔會快…因為日頭仲要番工…   **********   Chapter 1 (Cryptographic) Hash function 大家平時download software既時候可能都見過checksum呢樣野。 checksum係用黎比你驗証download落黎既file係咪corrupt左。 例如download VLC Player既時候 佢SHA-256既checksum係9826a85aab0c6dca2361c70a97fa12d8f2aa140328bdc80e68b659f9228f22fd download完之後你可以行command睇下個checksum夾唔夾 bash-3.2$ shasum -a 256 vlc-2.2.6.dmg 9826a85aab0c6dca2361c70a97fa12d8f2aa140328bdc80e68b659f9228f22fd vlc-2.2.6.dmg SHA其實就係一款hash function, … Continue reading 密碼學/加密貨幣原理 (1)

淺談AlphaGo原理

原post > https://lihkg.com/thread/339275/page/1   見到AlphaGo先後打敗李世石同柯潔之後,我忽發其想,到底人類有冇可能打敗AlphaGo  跟住我就開始睇到底AlphaGo到底係咩一回事 利申:我連圍棋都未識捉 第一章:點解圍棋咁撚難 圍棋其實係所謂嘅perfect information game,意思係成盤棋完全冇運氣成份,只要你個運算能力夠勁,係可以完全計得出行邊步可以一定羸,咁但係到底要有幾勁? 1997年,當年IBM部深藍超級電腦(Deep Blue)就係用計哂成盤棋所有可能性嘅方法羸左個國際象棋(Chess)世界冠軍,而國際象棋一共係有10^120咁多種可能性,但到左20年後嘅今日依然係冇任何一部電腦可以用計哂所有可能性呢個方法(學術上叫Minimax)去玩圍棋,因為圍棋嘅可能性係10^761咁多  屌你老母,咁到底有幾多?   科學家話成個宇宙呀,都係得10^80咁都原子咋(我都唔知堅定流),咁你話10^761有幾多啦 如果大家都仲係對圍棋複雜性冇咩概念,可以睇下以下呢幅圖 上面一個咁撚簡單嘅3×3井字過三關都已經咁撚複雜,你每行一步棋,之後都有N咁多個可能性,咁你話19×19嘅圍棋係幾咁複雜啦 btw大家記住上面張圖係叫做樹狀結構(tree),由左睇到右,你每行一步棋叫一個行動(action),行完之後個盤棋個樣就叫做狀態(status),tree就係一個數據庫記底哂你每一個action會導致變成咩status 睇完上面對tree嘅描述可能大家會覺得好on9簡單複雜化 ,但事實係呢個概念好重要,如果連呢個概念都冇,我再寫落去都冇用 第二章:AlphaGo原理簡述 講左咁耐廢話依家講返正題,以現今科技黎到講圍棋係冇可能用Minimax去到玩,因為果棵tree會大撚到跟本冇可能做search,所以AlphaGo就用左不同嘅AI算法去到玩圍棋 但其實Google用咁多AI算法目的只有一個,就係將岩岩棵tree縮細到以佢地依家嘅運算能力可以運算到而又岩岩好羸到你班平凡嘅連登仔就得啦,唔洗多,羸你1/4子都係羸  所以你見到其實所有AI都係羸你少少就夠,而果小小可能係人世間最遠嘅距離 AlphaGo主要係用左蒙特卡洛樹搜索(MCTS)呢種算法去search棵tree搵答案,同時用埋深度神經網絡(DNN)去盡量將棵tree縮細,令到佢可以係合理時間內可以搵到一步較好嘅棋 再簡單黎講就係,既然我冇可能搵到一步一定羸你既棋就算啦,我搵一步有最大機會羸你既棋 至於點搵一步最大機會會羸你既棋 咁就梗係不斷同人捉,記底哂棋盤,形成自己嘅棋譜 呢樣就係所謂嘅訓練(training) 睇到呢到你好可能會屌老母,講咁撚耐AlphaGo同普通連登仔有咩分別,咪又係咁學捉圍棋  冇錯呀!AI攪咁多野就係想研究下人到底係點去學習,足足攪左60-70年到依家都未去到一個BB仔嘅級數 第二章就到呢到,如果有人睇我會出多幾章講一講蒙特卡洛樹搜索(MCTS)同埋深度神經網絡(DNN)嘅原理,因為原來要打篇咁嘅野要好耐,冇人有興趣就無謂啦    – By 旦哥跌落波波池 7/2017 Continue reading 淺談AlphaGo原理

皮革理論課

原Post > http://lihkg.com/thread/334020/page/1 Editor只backup左Post主講理論追到#116, 入面仲有人問下問題Post主又答下都好好睇, 有興趣不妨追下Post&推下   – By 菩提本無樹 7/2017 嗨! 大家好 我是菩提本無樹 見到我名就知又有好嘢益你地,請善用起底功能。 上兩個post都有人問可唔可以講下唔同皮嘅特性、真假皮點分、技法等等。今堂一於滿足大家 睇哂個post一定對皮革有一定程度嘅了解 所以今次唔教你地整成品喇 主要由文字同圖片去講解。 不過我個人好低調,至憎人沽名釣譽架喇 不過你地放心,童叟無欺,實事求是係我教皮嘅宗旨。 事先聲明,我收徒弟最緊要係睇佢有冇潛質,所以就算你地肯學呀,我都未必教。 拿皮嚟講呢,我地不要分得咁細 市面上主要有兩種 一)植鞣革 二)鉻鞣革 其實仲有半植鞣嘅,不過今次唔討論喇 皮革係點樣生產都唔講喇 到你開咗間皮廠你自然就個有答案 睇得呢個post相信大部分人都係比較新,所以我會集中講基礎方面嘅嘢。 植鞣 最簡單易明嘅講法 係天然製成,有皮香 ,成本較高,通常實啲重啲同非常適合用嚟handmade 而梳化,你架車個seat位,你個手袋,多數都係鉻鞣。都係嗰句啦,化學嘢。 咁點解適合handmade呢?因為佢比較挺身,可以做到封邊效果,細節處理上容易好多。 咁部位方面睇下上圖 新手多數都係買腩條,因為價錢平啲,又大碌 不過心水清嘅巴絲可能會問,平嘢有冇好架? 用嚟練習/悉心選擇位置都可以蒙頭落刀嘅 以我所知日本一間好高質嘅皮廠所生產嘅皮,係冇腩條賣嘅。 最主要都係纖維散,利用率唔夠高。 不過我有必要講一次 唔係用靚料=大師 輕輕講一講 Double shoulder 風格好唔同,頸紋會多同厚,如果鐘意raw d wild d, 可以考慮一下,上品也 Butt就即係背,成塊皮嘅極品,除咗價錢我諗唔到有咩唔好,你諗到講我聽 一上到雙肩/double butt價錢係兩倍起跳 丫係,係香港皮革主要用呎做單位 有分英呎,港呎同ds 好喇講咗咁耐,點分植鞣定鉻鞣先? 植鞣呢就好易分,摸上去有皮嘅質感,聞落去有皮味,將佢捲成一碌,禁落去有「at at」聲嘅,9成都係植鞣 鉻鞣就大部分都軟林林,比較薄嘅,但新手唔建議買因為好難處理。 都係嗰句經驗搭救啦。   咁市面上你見到一張張嘅皮,多數係牛 牛皮佔咗市場上嘅90% 大家可能已經一邊出緊深水埗或者上緊淘寶 一邊屌我講啲唔講啲 … Continue reading 皮革理論課

誰殺了韋勒貝克(地圖與版圖) La Carte et le Territoire (The Map and the Territory)

聽完 Irwin 推介睇咗韋勒貝克(Michel Houellebecq) 嘅《誰殺了韋勒貝克》(Le carte et le territoire / the map and the territory),如果對藝術展、法國、人與人同社會距離、老病死有興趣嘅,呢本書應該好合口味,有Art 底嘅應該會有更深嘅理解同評價,唔怪得推介俾Noir,我都唔敢review 啲乜 除咗用文字虛構出幾個展覽同畫作好有趣外,作者都幾鋒利咁批判現化商業社會同藝術嘅關係、現代社會同有錢人嘅品味、倚賴現代科技而忽略基本等等。呢啲描寫係絕對尤重法國,預想咗將來法國嘅發展,藝術又以咩形態生存。 另外,幾中意佢對距離嘅描寫,處身喺社會裡面,人係孤獨嘅個體,同家人、愛人疏離,同愛人再親密原來都有不觸及嘅話題,反覆嘅遠離同靠近……氣氛好蒼白、淡如水 再強調,呢本嘢個譯名係好有問題,明明叫《地圖與版圖》(好似同Alfred Korzybski 有關),但因為作者寫自己比人剁碎咗就搬嚟做書名,仲要劇透咗內容……明明唔係推理小說🤔所以可忽略標題,拎上手睇睇 – By Mo 7/2017 Continue reading 誰殺了韋勒貝克(地圖與版圖) La Carte et le Territoire (The Map and the Territory)