安藤忠雄 我的人生履歷書

[Tt Tt] 安藤忠雄 我的人生履歷書 全書兩點有二 1,every day is a fight 2,建築嘅重點係要結合人同城市 本書唔係身邊,所以憑記憶大概講講。前本講佢細個同點入行,佢細個玩拳,所以成日用擊退呢個概念。成為一個建築師,佢係自學,每日去觀察唔同嘅日式建築,然後用筆畫低。呢個過程真係需要唔少毅力。 後半講述佢自己嘅作品意念同經過,重點係(2),結合人同城市,而自然係包括其中…… 我真係好懶,唔想打落去。但睇完啦,就知道大師可以成為大師,態度好重要,好似小津導演咁執著電影,安藤自己對建築嘅堅毅都係唔可以小看,一個建築門外漢,入行前日日去觀察出名嘅日本建築,然自己睇書惡補。最後得到機會入行… 城市同自然結合呢點更加唔洗講,係佢早期作品好顯然可見嘅特點。睇電影時,佢主張起嗰條櫻花大道真係好鬼靚。佢自己都話居民嘅謝意同反應,係令佢不斷思考,自然同城市嘅關係嘅動力…… [Noir] http://www.books.com.tw/products/0010726513 仲有連戰連敗, 呢本真經典 [Tt Tt] 係呀,佢好多藍圖都畀日本政府reject, 而有啲起好嘅建築作品都唔係佢心中原本嘅模樣,都係要靠 bargain 返嚟 [Noir] 外邊人睇起上黎安藤好似係大師, 影響力深遠, 但係日本建築界佢受好多同行嘅敵意同輕視, 新派建築師亦睇唔起佢, 認為佢過時落伍 [Tt Tt] 好cute喎,佢成日話有機會就想打爛光之教堂嘅玻璃…… More Pls [Noir] 之前安藤就係黑川紀章同石原慎太郎嘅政治比併導火線, 黑川係藍血型建築師, 師承丹下建三, 佢除左建築外亦都活躍係政治舞台, 當年就曾經同石原鬥東京市市長之位, 石原就係東京2016個project委託左比安藤做, 要知道其實做運動場設計, 用high tech技術, 唔計黑川, 伊東豐雄、妹島和世都係精於設道高手, 但偏偏石原揾左學院派最睇唔起嘅安藤黎做呢個代表日本嘅project, 咁自然有好多唔同嘅聲音啦 [Tt Tt] 啊我識伊東豐雄…… 因為咁啱有佢嘅展覽………… 咁點解學院派睇安藤唔起,同點解會被輕視? [Noir] 當黑川紀章係70年代以代謝建築呢啲超前衛嘅理論同技術震撼全球, 學院派具有嘅歷史視野, 對大型建築項目嘅把握性, 講求理論到技術嘅精準, 安藤呢啲單純以風格取勝嘅自然會比有一套完整系統嘅學院派所輕視啦 以前同一啲崇拜荷蘭建築嘅archi學生傾計, 佢地會講, 去實習緊係去OMA玩model啦, 點會走去ando果度睇書架 … Continue reading 安藤忠雄 我的人生履歷書