詳細嘅話要花啲時間🤣 不過簡單少少嚟講,文字絕對係好靚,睇吳煦斌個人會好投入咗大自然 佢啲意象寫得幾深同隱晦,唔易睇,我亦覺得自己未完全睇得明,遲啲會再睇多一兩次 但幾中意佢寫好多「他者」,無論係文化、經典故事同社會裡面,佢會寫啲比人忽略嘅角色,用佢地嘅角度寫,幾新鮮 每個人嘅文字唔多唔少反映性格同心境,好好奇點解佢會寫到咁陽剛氣嘅文字,一啲女性嘅味道都無 -- By Mo 2/2018

Advertisements

後殖民食物與愛情

「好像要真正能挑選什麼是自己要吃進口的食物,不是被各種力量擺佈了,你才是真正的獨立。」 《後殖民食物與愛情》如題所示,不離「後殖民」、「食物」與「愛情」。作者花十一年書寫香港1997年後的十年光境,一群人在後殖民時代交錯組成的12個食物與愛情相關小故事。 香港回歸後,人們走的走,留的留。回想97年前人心遑遑,害怕轉變,結果是「有轉變,但不是原來擔心的改變」。縱時代再多事件,市道再低落,人們還是要吃,也就少不了食物。香港混雜了中、西、不同階層的人,彼此或語言文化不通,可食物還是共同語言。書中細寫種種繁複和中西合壁的食物,有人講究純正,亦有人渴望集不同地方大成,正好是香港寫照。而「食色,性也」,也離不開愛情,浪漫也好離合也好,緣來緣去的淡淡故事成就此書,也許也是我們與身邊人的生活。 也斯寫了許多不同年齡、不同背景的人物。他在後記引用Walter Benjamin的話:「每個早晨帶來全球的新聞。然而我們卻匱乏有意義的故事。因為每件事傳到我們耳中之前,都早已被他人闡釋盡透了。換言之,現時發生的一切,不會對說故事有甚麼幫助,一切發生的只有利於資訊。事實上,說故事的藝術,正賴於在敍述時擺脫強加的解釋。」這正正是他在本書說故事的態度:沒有穿鑿附會的艱澀理論和詮釋,只是一些小城小事—— 他描述香港地道小事。試過從港島的CBD乘上個幾兩個鐘車到屯門探個朋友嗎?「才不過坐了一程960,愛時髦已像是歷盡滄桑」一句叫人會心微笑。至今仍被人笑為騎牛重地的新界西,看來不止十年光境,至今近上廿年也沒大轉變。 也有寫典型人物。如回味過往輝煌而不屑現今半中不西的老前輩、仰慕純正西方來佬嘢才是真正好嘢的「偽ABC」、由純樸女生變成把投資掛在嘴邊的勢利港女,也記載了很多夾雜在渴望為人認同,卻又自我迷茫的時代夾心人。或許中肯而言,「在這龍蛇混雜的江湖裡、儘管不少食肆浪得虛名,其實還是不少大隱於市的高手。在這價值標準混亂的時刻,各種平庸與偏激的言論各有市場。」就是香港城市人寫照,中西夾雜,是混亂也是豐富。 人們對話中也輕描淡寫地夾雜時代大事。相信大部分人也如故事中人一樣,受到種種大事直接影響的也許不多,雖稍有距離,但又是心有所感。雷曼事件、皇后碼頭、花園街大火、沙士、大陸假冒食物等等。閱讀此書就像回味自己一路的生活,重遇和邂逅不同的新舊臉孔。在現今2017年,中國與香港一國兩制的關係轉變加劇之際,此書對香港人的心態刻劃更是令人深有所感。無怪是第十一屆香港中文文學雙年獎的得獎作,值得推介。 - by Mo 3/2017 *** *** *** *** 後殖民食物與愛情 by 也斯 係小說,說是短篇集也可,長篇亦得,得左。 開篇一班老朋友於熟人酒吧雞手鴨腳亂中有序為久違嘅聚餐落手落腳,文句間滄桑似是末日前最後一次。之後每篇各登場一個客人做主角,故事有笑有淚,見證香港最光輝後殖民時代。 也斯寫後殖民嘅食物係name dropping,一心面向同享「集體味蕾記憶」嘅香港人,捨棄食家般費心累贅嘅描寫。耐唔耐附送一兩句咀刁刁評語。唔做作,係當年嘅飲食文化。 寫後殖民嘅愛情,同香港一d歷史事件綁埋一齊,情緒相當輕手唔甜唔膩,快刀斬亂麻。係回歸,沙士,雷曼呢d歷史大事面前,感情事顯得咁細碎,不如當記錄歷史咁jot低離離合合round 1&round 2,同埋保留偶爾瑣碎嗌交紀錄,等大家judge。A嘅罪名係「唔識食」,B嘅罪名係「膚淺」,C嘅罪名係「永遠扮受害者」,冇得上訴,槍斃。Bang! 反正香港地出名生活節奏快,精彩嘅野如同美食一樣泛濫,每樣都值得試下。香港人嘅拍拖同結婚,知道最終結果係邊個啱邊個錯就ok。過程唔好咁煩,唔洗太上心,最緊要努力返工,努力食好野。「香港人係咁架啦」 也斯記錄嘅係上一代香港人。係我地成日笑「唔敢罷工奴性好重」果代人。「唔敢罷工奴性好重」背後原來都有d故事。同樣係香港,本土可以有另一種解法。深入了解下佢地,所有取捨都咁合情合理。d前輩唔可以睇小。 當米線鋪開到成行成市被歸咎去「新移民多左」,當睇愛情小說講出黎會俾人笑,當鍵盤戰士都怕炒車保持沉默。我發覺我地呢代人比起「奴性好重」果班前輩多左好多自卑。 - by DKKI 2/2018

刺殺騎士團長

終於睇完《刺殺騎士團長》,唔太諗得通⋯佢同發條鳥有d似,但係劇情又冇咁緊密 -- Keith Chan 12/2017 啱啱睇完村上春樹《刺殺騎士團長》,內心有種淡淡嘅戚戚然。美中不足覺得個尾好似收得有啲突然,有啲唔知點咁 -- 青豆 1/2018

亦舒

見到樓上講亦舒 其實某程度上亦舒嘅男女主角背景設定同韓劇冇咩大分別,都係男嘅高大有錢靚仔,女嘅清秀倔強有氣質,只係啲對白同行為冇韓劇咁離地 睇咗好多年亦舒,最俾佢洗腦嘅係女人要經濟獨立,莊敬自強,唔好依賴男人,無論做咩事姿勢最重要,一露出狼相就輸了 佢啲舊作長篇中篇都好正,除咗朝花夕拾、我的前半生,喜寶外,玫瑰的故事、美麗新世界、圓舞,如果牆會說話都值得睇。近年嘅就算啦,覺得師太有啲似賣咗個名俾徒弟出書,同以前係兩回事嚟嘅。 利申:幾乎睇哂師太嘅小說同短篇 - By 青豆   亦舒同衛斯里,即係倪氏兩位作者,我認為18歲之後不宜再讀, 前者係用相對狹窄既視野睇世界,後者好似用文字拍電影,然而拍既係公式電影。 兩個作者無論寫得再多,都是作者,寫的東西都不會成為文學。 (你如果鍾意女性自主,何不聽聽維珍妮亞吳爾芙女士點講?) 有趣的是,香港女人鍾意睇既講愛情既女性作者,張愛玲亦舒深雪本身都冇咩愛情建樹 - By 傻祥扶弱 8/2017

平行世界的愛情故事

書名:平行世界的愛情故事 作者:東野圭吾 呢本書係一個已婚巴打推薦俾我,天真相信當中暗藏已婚人士心境秘密… 諗多左。 故事開端: 男主角同佢老死,係Virtual Reality研究所工作,分別負責研究將視覺聽覺訊號,以及將人造記憶植入大腦。 男主角愛上左每日搭地鐵都見到嘅女仔,可惜終於錯失表白機會。佢地冇再相遇,直到男主角發現佢成為左老死嘅女朋友。 係「平行世界」,男主角同個女仔成為左情侶,同居中。 「邊個至係真實嘅世界?」 本書全由男主角第一人稱寫成,大量內心獨白,正正回應書名「愛情故事」特質。文字平鋪直述,冇乜睇頭。開端淡而無味,之後書中世界突然好似㩒左fast forward一樣高速運轉。有科幻有言情,仲提供足夠推理趣味:讀者需要從男主角視角見到嘅有限資訊,慢慢構築起事實全貌。解謎線索零亂散落係兩個「平行世界」入面。 首先出場嘅感情線係主線,男主角盡力掩藏心意同老死couple成為朋友,三人行,令佢掙扎不已。然後係VR研究衍生出嘅「商業陰謀」,老死失蹤,發現公司異狀,冇人可以相信,男主角獨自暗中調查,當中不無驚險。不論是否推理迷,大腦必定跟隨高速運轉,企圖比男主角早一步接近真相。 於我而言,推理除左搵出謎底,更大樂趣係過程中閃現出嘅無數個可能性。如同作者其他作品《解憂雜貨店》《容疑者X的獻身》,令人沮喪嘅惡意唔會出現。解謎途中係腦中反覆咀嚼,判斷係出自惡意嘅動機,終於開估係出自善意。係最高水平嘅治癒。 ****** ****** ****** 以下唔怕劇透至睇 未睇書千祈唔好碌落去 唔好碌落去睇 認真 睇完書先 ****** ****** ****** 本書於1995年出版,連手提電話都冇,電腦資料儲存係CD/MD入面。年代久遠,當中嘅科幻橋段好難避免會「熟口熟面」。因此故事個大格局唔難估到。好在將當中細節串埋一齊都足夠有趣。我本身以為地鐵相望係假記憶,只為掩蓋真正愛上女主角嘅場景…. 我以為兩位男主角係互換左身份。 人物方面睇得出作者花左唔少心思。男主角單戀嘅內心戲非常精彩不在話下。因為心虛,本身聰慧敏感嘅老死,係佢眼中變得陰沉多疑。而老死佢到最後都冇發覺自己嘅才華同能力,足以令男主角及女主角妒忌,一直困左係殘障帶俾佢嘅自卑,決定佢最終只會係一個悲劇人物。女主角就只係一個被追逐嘅symbol,作者企圖令佢成為擁有自我並善良嘅女神,係我眼中佢只係企埋一邊堅持要做個好人,「有著自我犧牲的自戀」,將「事業」當做避風港。太過單薄以致兩位男主角對佢近乎瘋狂嘅迷戀顯得莫名其妙。反而作者突然著墨係上東京尋找男友嘅廣島妹妹,平靜之下流露出個性,略嫌突出,明明只係茄喱啡,比較之下有點突兀。 最後,我討厭個結局。應該話討厭結尾一幕。女主角非要等到一個明正言順理由,先至敢坦白自己心意,間接證實左佢一直同老死一齊只係源於「自我犧牲的自戀」。呢種道貌岸然或者話叫政治正確好冇趣。 - By KKI 7/2017

人生長恨水長東

偶開天眼覷紅塵 可憐身是眼中人   看完小說後睡了一覺,想來該為這麼虐心的一篇小說寫一篇讀後感。 《楊戩——人生長恨水長東》是中國神話《寶蓮燈》的同人作品,輔以《封神演義》、《西遊記》的內容,全長一百三十有餘章,饒是我日讀幾本的速度,也斷斷續續看了兩、三天。想必有看過《封神演義》、《西遊記》或《寶蓮燈》的人都會記得顯聖真君二郎神楊戩,左手提寶蓮燈,右手持三尖兩刃槍的仙相;然而,作為三界中一人之下、萬人之上的司法天神,楊戩卻在《西遊記》和《寶蓮燈》兩書中擔任壞人角色——前者被後為鬥戰勝佛的齊天大聖孫悟空戲弄,帶領天兵天將討伐一野猴子卻只戰了個平手;後者則不顧親情,親手將親妹妹華山三聖母楊蓮壓於山下二十餘年,以換取司法天神一職,令三聖母一家分離廿載,更逼使外甥劉沉香散去法力,幸沉香無礙,最終造就了沉香劈山救母的孝悌佳話。 然而,《封神演義》中被封為顯聖真君、舞得一手陽剛而正氣的三尖兩刃槍的楊二聖,當真如二書中所言如此不堪?《楊戩——人生長恨水長東》一書,正正要為楊戩正名。 ***以下內容含劇透成分*** 通篇讀畢,最令我感觸的便是上古神王女媧的一句:「子欲養而親不待,為之奈何」以及伏羲所言:「可以選擇做與不做,但不能逃避那隨之而來的結果」。 小說由楊戩被沉香劈了一斧、筋脈盡斷被打落凡間開始,失去法力的楊戩受盡折磨,與哮天犬流落街頭,被三聖母接到家中。雖不必顛沛流離,但在府中所受的冷言冷語及下人的嘲諷卻不是高高在上的顯聖真君應受的。後來因果報應,三聖母於九靈洞所造的殺孽令眾人被困於滅神陣,於伏羲所留的水鏡中經歷楊戩的一生。 楊戩為瑤姬與凡人結合所生,繼承的是純正的盤古神力,若非三妹楊蓮貪玩累事,楊戩的成就未必止於司法天神。如上古神王女媧所說:「性格即命運」,若非楊戩重情重義重責任,發誓此生定必「帶大三妹,救出母親」,他大可重責楊蓮,此後必不會發生楊蓮因百花仙子一言屠盡九靈洞百餘口的慘劇;偏偏楊戩從小將楊蓮寵上天,尤是「捧在手裡怕掉了、含在嘴裡怕化了」,包庇她的任性,縱容她的無知。楊戩護短、盡責的性格造成了自己為家人犧牲一切、背負一切罪名的慘劇,亦注定了他以自身血肉靈力彌補三界罪業的宿命。 楊戩成為司法天神時曾說過,他並不大愛,要他守護三界,就只守護有親人的三界。然而,黑水獄中所受的肉體折磨為他帶來的精神打擊,終令他放下對「血親」一詞帶來的執念;從此,血親不過是責任,崑崙山神木公的陪伴、哮天犬的關心和諦聽的理解才是楊戩對世界的眷戀。然而,對楊戩而言,責任重於眷戀,死亡便成必然。玉帝借三個溫暖楊戩寂寞的一生的幻相,藉此鼓動他對生命的留戀;可憐二哥將責任看得比生命重,紅塵執念,亦只能一一放下。冥舟船頭的諦聽石像,是楊戩對自己一生被責任綑綁、無力挽回的嘲諷;雪山懸崖上縱身一躍,是他斬斷最後一絲牽掛、對自己從一而終的交代。舞得一手陽剛正氣的三尖兩刃槍的楊二聖,寧可面對殘酷的事實亦不願沉淪於美夢中死去;他自小起牽著三妹的手,將她拉扯大,護她周全,送步履不穩的小楊蓮平步青雲;將她的一廂情願換成他不幸此生……走畢一程,最後仍是三妹的幻相。楊戩本可一生平坦,情累此生,決意負起的責任終要完成;情到深處無怨尤,一切不必重來,結局不堪改。 楊戩一生將原罪歸咎於自己而無解,以溺愛三妹、拯救瑤姬作救贖;沉香卻是比二聖幸運,水鏡裡三千年的旁觀令他明白,為楊戩好好保護自己,便是對自己最大的救贖。三千年的旁觀中,沉香學會了謀略和手腕;楊戩破掉滅神陣眼中的水鏡令他失去左眼,塞翁失馬的得到洞悉過去的神通,為往後取代楊戩成為新任司法天神鋪路;楊戩的苦心經營和權謀,為沉香留下了佛門齊天大聖和兜率宮太上老君的強大後台;他甚至比二聖更幸福,全因二聖為他培養出小玉一樣既能文能武、又可入廚出廳的賢內。小玉的唯一寄託和救贖便是代二聖保護沉香,而沉香亦只能藉小玉減輕瞞騙母親楊戩身死的痛苦。楊戩的死,陰差陽錯的成就了一個陰鬱狠毒、睚眥必報的沉香。為替楊戩報仇,更是為了令自己心安,沉香殺死百花仙子、梅山老四,又逼瘋嫦娥。本屬意沉香單純與其他人幸福快樂生活下去的二聖泉下有知,必會搥胸嘆息,心血盡皆白廢。 人情易老悲難訴……人性的自私涼薄並不代表人性本惡。本欲彌補,卻又虧欠,左右為難,不得不然……真相到底不能說出去,而楊戩的願望卻也不可實現。水鏡中的眾人只要本著「他希望我們能幸福快樂」的心態,便可擺脫陰影活下去,然而如此自我催眠卻是最無恥無良的表現,就如書中的三聖母楊蓮——萬般亦無尤,業隨二聖身。 偶開天眼覷紅塵,可憐身是眼中人。顯聖真君楊戩,由十三歲開了第三眼起便閤上凡目,三千年博奕,天意難問,因果早定,終明白第三眼中的自己,便是這紅塵中的可憐人。 - By Lilac Jasmine Lionhart 7/2017

追風箏的孩子 The Kite Runner

呢排睇緊「追風箏的孩子」 好好睇 主角同哈山關係既變化同埋走落去既劇情都感人 阿富汗既小說,正正就係呢啲近代有戰亂既國家 先寫得出親人離別,同埋人生既荒謬 - By 情比鏗 6/2017

流浪者之歌

流浪者之歌是一個探討「人的精神道路」的故事。 主角悉達多從婆羅門的繼承者,為追求自我的本質流浪。途中,他曾成為沙門的苦行僧、聽佛陀的開悟、跟隨名妓和商人入世,體驗交歡、從商和賭博等種種「業障」,是經歷最深的沉淪和頓悟的故事。 此書論佛、論人。當中質疑人們以有形的規條和儀式,去追求無形的佛理。作者借悉達多表達言語是有所局限---知識可以傳達,但從智慧則只能感悟習得,不能言傳。 另外,書中也探討了出世與入世的觀點。出世者離開人群,視萬物為迷惑心神的魔障、種種情感只屬執迷;入世者則接納世界,以愛體悟萬物,視一切事物為佛法體現。赫塞明顯傾於入世,他記悉達多遇上不懂佛法的船夫,船夫日日傾聽河流之道,終得道於樹林成佛,得了心境的平靜,藉此闡述了人人可成佛、個人能自我救贖的道理。 書中還有種種就著群體間的關係、時間與當下、執迷、以及愛念情慾的討論。作者就佛理的討論深入,看時令人有所感、有所執、也有所放下,值得推薦一讀。 by Mo 17/4/2017

過於喧囂的孤獨 Too Loud a Solitude

Mo, [26.03.17 20:13] 不太認真REVIEW過於喧囂的孤獨 本書130頁所以睇得好快,成本書係主角既獨白,主要環繞佢喺捷克既廢紙收集站工作既35年日子 深刻係本書有好強烈既對比,世界既喧囂/廢紙機既喧囂/主角腦海因為係廢紙堆中不斷睇書而充滿智識既喧囂/對比佢一個人工作比社會壓迫同輕視知識/低下階層/書本既孤獨,但佢從來無怨咩,只係不斷話「天道不仁慈」,感覺係更深既孤獨 佢成日話呢個係佢Love story,除左佢人生中遇到佢女仔之外,佢真係好愛好愛書,愛到融入晒佢個人 QUOTE:「我讀書的時候實際上不是讀,而是把美麗的詞句含在嘴裡,啜糖果似地啜著,品烈酒似地一小口一小口地押著,直到那詞句像酒精一樣溶解在身體裡,滲透大腦和心靈,在血管中奔騰,衝擊到每根血管的末梢。」 諷刺既係佢又不斷要做燒書既工作,果種自責同罪惡感令本書好沉重。而咁樣既佢,結果只係換黎一佢「蠢貨」同好慘既結局,唔知個結局算係佢Love story比較好既ending,定係更顯得呢個時代係幾咁慘同殘忍 不過成本書最深印象一PART係主角將老子同耶穌放埋一齊,個CONCEPT好有趣 推介~~~

Gone 失蹤

琴日一口氣睇埋依本小說 本小說既頭3份1非常引人入局,對於人物既描寫,氣氛既營造都做得唔錯,唔覺唔覺就睇左幾百幾頁都唔覺 去到中段既時候開始有D頭緒同入直路你會發現好似好多條線,有好多野都未必解釋到,但係一路睇一路都FEEL到幾緊張 到左最後結局,完全無震撼性,又無詳細解釋事件既起因,好多位都求其就帶過左,甚至有D位係連解釋都無。 如果淨係頭半部份我都覺得依本係一本好書,但整體黎講就麻麻地 BTW 書腰寫"力壓東野圭吾《嫌疑犯X的獻身》,榮獲美國推理作家協會獎(愛倫坡獎)的最佳小說獎!" 我覺得東野好睇D - by 22號寶寶 3/2017

張愛玲 小說篇

#0杜麗娘 各位同好分享下喜歡張愛玲嘅邊d作品 除左《紅玫瑰與白玫瑰》、《傾城之戀》、《金鎖記》、《半生緣》呢d常被討論嘅作品之外 我仲好喜歡《心經》同《茉莉香片》呢兩篇姊妹作 兩篇作品都係描寫「變態」嘅愛(我比較重口味 ) 雖然張愛玲覺得《心經》係唔滿意、不願出版的作品,但我覺得許小寒同許峰儀果種徘徊在禁忌之間的慾望,人物關係的暗湧都寫得好精彩! 不過我睇左《心經》咁多次,都唔明點解篇小說要以「心經」為題 有冇巴絲可以分享下睇法 #1三叔上悠亞 樓主覺得Eason既紅玫瑰同白玫瑰,能唔能夠演繹出張愛玲小說既韻味? #4杜麗娘 白玫瑰明顯唔關篇小說事啦 紅玫瑰嘅歌詞應該就真係寫緊王嬌蕊 歌詞入面都有引用返小說入面嘅意象,好似烙印心口的硃砂痣、蚊子血 得不到的女人才是最有幻想 #6白素 個人嚟講唔太好張愛玲 連傾城之戀都覺得好悶 但又幾鐘意金鎖記 #8杜麗娘 的確,傾城之戀嘅情節冇咁豐富,但我個人覺得傾城之戀好睇個位在於白流蘇同范柳原之間的種種試探,從白流蘇的每句說話都看出她的算計 即使最後,他們終於在一起,但不過是因爲在香港淪陷的環境下,互相找個靠依 中學年代睇傾城之戀,真係破壞一個小妹妹對愛情嘅美好想像 金鎖記又一「戀態」之作,有機會再講 或者巴打都分享下點解鍾意金鎖記? #7離騷 我自己最鐘意《金鎖記》 「一步一步走向沒有光的所在」 自問都幾鐘意張愛玲 但張愛玲作品既底蘊真係太深   #11白素 就係鐘意七巧個種變態 意象好豐富 尤其月亮 都成幾年前睇,但有一句唔知點解到而家都好深刻 「窗外還是那使人汗毛凜凜的反常的明月──漆黑的天上一個灼灼的小而白的太陽。」 #14杜麗娘 張愛玲d比喻真係好特別! 我最記得係《紅玫瑰與白玫瑰》入面,「娶了紅玫瑰,久而久之,紅的變了牆上的一抹蚊子血,白的還是「床前明月光」;娶了白玫瑰,白的便是衣服上的一粒飯粘子,紅的卻是心口上的一顆朱砂痣。」 #15維他的陽光 最喜歡半生緣 其實第一爐香同第二爐香 心經呢啲都好好睇 不過心經入面父女戀真係.. 接受唔到 鍾意佢文筆好細膩 人物既心理活動、外貌描寫佢寫得好出色 呢排買左佢本雷峯塔 考完DSE打算買晒啲未買既張愛玲作品返黎慢慢煲 #19杜麗娘 其實我覺得就算張愛玲描寫正常嘅戀愛,都帶有變態成份 半生緣入面嘅顧曼璐都好變態.....同時又可悲 第一爐香都係經典之作 絲打考DSE加油呀!好青春呀 #17李小明 張愛玲寫香港好正 感覺民國年代既香港仲開放進步過今時今日... Continue Reading →

村上龍

(村上龍有咩推介?) 龍叔d書就內容(情節?)黎講有黑/白之分 寫迷惘/孤獨 同寫希望 都好好睇 但無論邊本個價值觀都好統一 如果你同佢價值觀相近 每本都會鍾意 我自己最鍾意佢對人果種觀察入微 佢每本係講一個社會議題 如果你仲係學生 可以睇出道作無限接近透明的藍 講學生時代果種迷惘 好難得一d都唔中二 唔係學生我推Line 寫法幾特別 主題係魯迅講ge 「人的悲歡不相通」 睇完會講一句everybody is an island - by 五月街 15/3/2017

Powered by WordPress.com.

Up ↑