今次打算用有趣、淺白既方法去講下香港歷史 (11)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 67. 自由行爭議/#86 68. 基本法23條立法爭議/#96 Offtopic家庭手工業/#137 特別專題: 香港對性罪行既防治(上)/#147 特別專題: 香港對性罪行既防治(中)/#156 特別專題: 香港對性罪行既防治(下)/#158 69. 領匯上市/#164 70. 雷曼迷債事件/#171 #86科學怪人 67. 自由行爭議 經歷過沙士期間既經濟低迷之後,中央為咗挽救香港經濟推出咗CEPA同開放自由行。由2004年1月1日起,全廣東省同中國其他大部分省會、重要城市居住既大陸人都可以申請個人遊簽注,落嚟香港旅行;去到2009年4月1日,深圳居民更加可以「一簽多行」,即係申請一次簽注,喺一年之內可以不限次數咁往返香港,只不過每次逗留既期限唔可以多過一個禮拜 香港以前1960年代主要係做美國同日本遊客,日漸發展出成熟、專業、有國際水平既服務態度。隨住強國勃起,內地經濟迅速發展,對於香港所提供既就近兼高質既旅遊服務有龐大需求;加上內地假貨充斥,有假金、假奶粉、假藥,去香港採購對佢地嚟講等於「信心保證」 自由行同一簽多行令到內地訪港旅客有增長,自此之後香港失業率一直都低,亦都幫助香港旅遊、零售、酒店、飲食等既行業發展;至於佢地落嚟鐘意做咩?首先因為大陸對外國進口貨品都會有關稅,佢地都樂於去到香港依個免稅天堂採購外國化妝品同奢侈品,幾乎一到假日尖沙咀廣東道堆名店都會大排長龍 唔好以為大陸人淨係嚟食、買同痾,而家好多受過高等教育既都對香港文化同歷史有興趣,有時喺康文署各大博物館見佢地未必少得過見本地人;佢地甚至會同本地人一樣行山、去離島遊玩 (話說以前讀書我都成日帶內地同學果班圈子週圍玩,所以而家講到流利普通話) 大量內地自由行旅客湧落喺,當然都唔係得好既一面,造成唔少香港社會問題。首先係佢地湧落嚟掃名牌手袋、首飾、珠寶、鐘錶等既高檔商品,扭曲咗本地營商環境。賣果d産品既店鋪可以用貴租去搶佔人流最多既鋪位,引起整體商鋪既租金都大幅攀升,令到本身存在既中小型、微利行業既商店都做唔住。原來繁忙既街道同商場開始走向單一化,唔少都變咗淨係得金行同藥房 另外香港始終物資有限,當大量大陸人落嚟搶日用品同享用服務就好容易做成短缺,2012-2013就出現過奶粉供應不足、長期以來大陸孕婦借自由行落嚟生B亦都搞到本地孕婦床位短缺;個別商戶見做大陸客搵錢反而仲歧視返香港人轉頭,例如萬寧曾經推出只限大陸遊客既奶粉優惠、廣東道D&G分店保安禁止本地顧客喺店外拍照等等 咁個別既大陸訪港旅客教育水平同公民質素都有待改善,會做出香港社會輿論接受唔到既行為,例如週街痾,甚至係出現過幾單大陸人誤以為公共飲水器係兒童廁所,抱B上去痾既新聞 以上既行為引起中港矛盾同罵戰,香港人以蝗蟲... Continue Reading →

Advertisements

今次打算用有趣、淺白既方法去講下香港歷史 (10)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 63. 殺局改組 - 康文署、食環署成立/#5 64. 推行高官問責制/#21 65. 香港回歸前後既一系列教育改革/#30 66. 沙士事件/#45 #5科學怪人 63. 殺局改組 - 康文署、食環署成立 先講下香港潔淨局係喺1883年4月成立,當時成立係為咗解決大量中國苦力湧港、居住環境擠迫所造成既公共衛生問題,要起返足夠既廁所同排污系統。1888年5月31日,為咗鼓勵社區參與公共市政,有交差餉既人都有資格選出其中兩名潔淨局成員,成為香港開埠第一次選舉 1935年3月1日,潔淨局改組成為市政局,增加咗非官守成員既人數,進一步鼓勵更多行業專才參與 去到1953年,市政局既職能由公共衛生延伸到房屋方面,為咗喺管治上更加貼地,民選議員陸續增加到1956年既8席,增加咗民主成分 1974年因應新界新市鎮既發展,區域市政局成立並且管豁新界既市政事務 1983年市政局進一步民主化,原本有選舉都係小圈子,而家就擴大到年滿21歲既成人都有資格選出一半既議席;而去到1995年彭定康大玩政改,規定市政區同區域市政局全部議席都由直選產生,違反咗中方希望有一定委任議員既意願,所以殺局基本上係無可避免 回歸之後,特區政府借住禽流感事件乘機削去兩區喺公共環境衛生方面既權力,並且以避免資源重疊作為理由殺局。當時立法局裏面無論係民主黨、民建聯定係自由黨,以致係區域市政局主席劉皇發都表明反對 政府方面認為而家分由兩個市政局去管理相同既事務係浪費公帑之餘,更加會因為職權分散而影響行政效率。之後再喺中央既協調之下,立法會都係以4票之差通過殺局,取而代之係康文署同食環處負責返兩局既市政事務,而區議會並無承繼任何實際市政權力,繼續都只係無實權既地方諮詢機構 #18唔想諗野 /政府方面認為而家分由兩個市政局去管理相同既事務係浪費公帑之餘,更加會因為職權分散而影響行政效率。之後再喺中央既協調之下,立法會都係以4票之差通過殺局,取而代之係康文署同食環處負責返兩局既市政事務,而區議會並無承繼任何實際市政權力,繼續都只係無實權既地方諮詢機構/ 所以而家食環先至咁仆街 btw唔係食環署咩 #20科學怪人... Continue Reading →

今次打算用有趣、淺白既方法去講下香港歷史 (9)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 56. 中英政府就香港問題既談判/#851 57. 八九學運、六四事件下既香港/#860 58. 九龍城寨清拆/#893 59. 香港新機場、回歸前十大基建/#905 特別篇. CCTVB(應絲打要求講下特別電視廣播)/#924 60. 香港特別行政區成立/#934 61. 亞洲金融風暴/#968 62. 勿摸活家禽/#982 #851科學怪人 56. 中英政府就香港問題既談判 根據展拓香港界址專條,新界既租約去到1997就會屆滿,即係話有朝一日新界既土地契約問題就會橫跨97年,所以1979年港督麥理浩到訪北京諗住試下水溫 鄧小平首先詢問關於香港既基本情況,之後就強調香港主權屬於中國,一定要歸還,並且保證香港可以喺下世紀初繼續奉行資本主義,唔會因為收回主權問題影響投資者既利益。當時實際上即係提出咗以一國兩制既方法去解決香港問題 1981年,中國單方面訂立咗具體既方案,成為咗日後中英聯合聲明既框架: 1. 香港要喺1997年7月1日回歸 2. 回歸後成為特別行政區、高度自治 3.... Continue Reading →

「香港最具影響力文學會係邊本?」

大大力, [27.03.18 15:23] [ Photo ] 大家點睇 C, [27.03.18 15:33] 香港會係咩呢? 阿o(^▽^)o, [27.03.18 15:39] 《我城》雖然唔係話太好睇 Sam, [27.03.18 15:40] 拾香紀 點睇? 阿o(^▽^)o, [27.03.18 15:41] 陳慧 不錯 阿o(^▽^)o, [27.03.18 15:42] 《紅格子酒鋪》辛其氏 我覺得好睇 Sam, [27.03.18 15:43] 我城睇完, 始終唔係我個年代, 共鳴唔夠 阿o(^▽^)o, [27.03.18 15:44] 西西果種筆法,老實說 我有時候唔係幾鐘意 Sam, [27.03.18 15:45] 點解? Sam, [27.03.18 15:46] 利申我都麻麻, 唔知係咪年代唔同 阿o(^▽^)o, [27.03.18 15:47] 形式上,多左個敘事者角度去考慮;其實內容始終好空洞 阿o(^▽^)o,... Continue Reading →

今次打算用有趣、淺白既方法去講下香港歷史 (8)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 45. 石硤尾大火/#654 46. 公屋: 令雞脾漲價既元兇/#663 47. 雙十暴動/#674 48. 香港撲水時期/#681 49. 天星小輪加價事件/#706 50. 講下香港既銀行業發展 (應巴打要求)/#711 51. 六七暴動/#764 52. 紅磡海底隧道通車/#785 53. 香港首位喺荷里活發展既巨星/#809 54. 香港,勝在有ICAC/#825 55. 越南船民/#834 #654科學怪人 45. 石硤尾大火... Continue Reading →

今次打算用有趣、淺白既方法去講下香港歷史 (7)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 38. 二戰結束前既香港前途問題/#586 39. 英國重佔香港/#590 35=39.5. 二戰後既香港政制改革/#596 40. 香港身份證/#624 41. 香港管制大陸人入境既歷史/#625 42. 由新亞書院到新亞桑拿/#635 43. 由新亞書院到中文大學 /#644 44. 韓戰期間既禁運政策同走私/#649, #653 #586科學怪人 38. 二戰結束前既香港前途問題 早喺1941年8月14美國總統羅斯福同英國首相邱吉爾已經發表大西洋憲章,確認會喺戰後恢復各民族曾經被武力剝奪既主權同自治權。聲名為國民政府日後收返香港提供法理上既根據 咁喺美國既角度就對於帝國主義同殖民地主義反感,所以如果中國第日想收返香港既話,美國係肯定會給予支持 之但係英國方面當然唔會同你咁睇。殖民地部大臣保爾勛爵指出,英國應該為將香港由荒蕪小島發展成為遠東重要港口而自豪。 佢認為香港被軍事佔領,錯不在英國,因為當時英國集中緊應付歐洲戰事;反而係美國太遲加強喺太平洋既戰略重心,先至係導致而家遠東局勢既主因 簡單d 講,即係美國唔能夠以英國無力保衛香港、馬來亞作為理由,而要英國喺戰後失去殖民地 喺英國官場內部,贊成同反對喺戰後歸還香港既聲音同時存在。贊成既就覺得可以利用香港換取中國政府妥協畀多d... Continue Reading →

後殖民食物與愛情

「好像要真正能挑選什麼是自己要吃進口的食物,不是被各種力量擺佈了,你才是真正的獨立。」 《後殖民食物與愛情》如題所示,不離「後殖民」、「食物」與「愛情」。作者花十一年書寫香港1997年後的十年光境,一群人在後殖民時代交錯組成的12個食物與愛情相關小故事。 香港回歸後,人們走的走,留的留。回想97年前人心遑遑,害怕轉變,結果是「有轉變,但不是原來擔心的改變」。縱時代再多事件,市道再低落,人們還是要吃,也就少不了食物。香港混雜了中、西、不同階層的人,彼此或語言文化不通,可食物還是共同語言。書中細寫種種繁複和中西合壁的食物,有人講究純正,亦有人渴望集不同地方大成,正好是香港寫照。而「食色,性也」,也離不開愛情,浪漫也好離合也好,緣來緣去的淡淡故事成就此書,也許也是我們與身邊人的生活。 也斯寫了許多不同年齡、不同背景的人物。他在後記引用Walter Benjamin的話:「每個早晨帶來全球的新聞。然而我們卻匱乏有意義的故事。因為每件事傳到我們耳中之前,都早已被他人闡釋盡透了。換言之,現時發生的一切,不會對說故事有甚麼幫助,一切發生的只有利於資訊。事實上,說故事的藝術,正賴於在敍述時擺脫強加的解釋。」這正正是他在本書說故事的態度:沒有穿鑿附會的艱澀理論和詮釋,只是一些小城小事—— 他描述香港地道小事。試過從港島的CBD乘上個幾兩個鐘車到屯門探個朋友嗎?「才不過坐了一程960,愛時髦已像是歷盡滄桑」一句叫人會心微笑。至今仍被人笑為騎牛重地的新界西,看來不止十年光境,至今近上廿年也沒大轉變。 也有寫典型人物。如回味過往輝煌而不屑現今半中不西的老前輩、仰慕純正西方來佬嘢才是真正好嘢的「偽ABC」、由純樸女生變成把投資掛在嘴邊的勢利港女,也記載了很多夾雜在渴望為人認同,卻又自我迷茫的時代夾心人。或許中肯而言,「在這龍蛇混雜的江湖裡、儘管不少食肆浪得虛名,其實還是不少大隱於市的高手。在這價值標準混亂的時刻,各種平庸與偏激的言論各有市場。」就是香港城市人寫照,中西夾雜,是混亂也是豐富。 人們對話中也輕描淡寫地夾雜時代大事。相信大部分人也如故事中人一樣,受到種種大事直接影響的也許不多,雖稍有距離,但又是心有所感。雷曼事件、皇后碼頭、花園街大火、沙士、大陸假冒食物等等。閱讀此書就像回味自己一路的生活,重遇和邂逅不同的新舊臉孔。在現今2017年,中國與香港一國兩制的關係轉變加劇之際,此書對香港人的心態刻劃更是令人深有所感。無怪是第十一屆香港中文文學雙年獎的得獎作,值得推介。 - by Mo 3/2017 *** *** *** *** 後殖民食物與愛情 by 也斯 係小說,說是短篇集也可,長篇亦得,得左。 開篇一班老朋友於熟人酒吧雞手鴨腳亂中有序為久違嘅聚餐落手落腳,文句間滄桑似是末日前最後一次。之後每篇各登場一個客人做主角,故事有笑有淚,見證香港最光輝後殖民時代。 也斯寫後殖民嘅食物係name dropping,一心面向同享「集體味蕾記憶」嘅香港人,捨棄食家般費心累贅嘅描寫。耐唔耐附送一兩句咀刁刁評語。唔做作,係當年嘅飲食文化。 寫後殖民嘅愛情,同香港一d歷史事件綁埋一齊,情緒相當輕手唔甜唔膩,快刀斬亂麻。係回歸,沙士,雷曼呢d歷史大事面前,感情事顯得咁細碎,不如當記錄歷史咁jot低離離合合round 1&round 2,同埋保留偶爾瑣碎嗌交紀錄,等大家judge。A嘅罪名係「唔識食」,B嘅罪名係「膚淺」,C嘅罪名係「永遠扮受害者」,冇得上訴,槍斃。Bang! 反正香港地出名生活節奏快,精彩嘅野如同美食一樣泛濫,每樣都值得試下。香港人嘅拍拖同結婚,知道最終結果係邊個啱邊個錯就ok。過程唔好咁煩,唔洗太上心,最緊要努力返工,努力食好野。「香港人係咁架啦」 也斯記錄嘅係上一代香港人。係我地成日笑「唔敢罷工奴性好重」果代人。「唔敢罷工奴性好重」背後原來都有d故事。同樣係香港,本土可以有另一種解法。深入了解下佢地,所有取捨都咁合情合理。d前輩唔可以睇小。 當米線鋪開到成行成市被歸咎去「新移民多左」,當睇愛情小說講出黎會俾人笑,當鍵盤戰士都怕炒車保持沉默。我發覺我地呢代人比起「奴性好重」果班前輩多左好多自卑。 - by DKKI 2/2018

今次打算用有趣、淺白既方法去講下香港歷史 (6)

  (編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以”/”標示 6. 內容太多, 呢邊會分開幾個post 7. 部分引用時事講笑(以”*”標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) Index: 32. 啟德機場落成/#469 33. 講下早年香港既貨幣政策/#496 34. 中國打抗日戰爭時期既香港週邊環境/#530 35. 日本攻港18日戰爭/#563 36. 日佔期間發行軍票/#573 37. 日治期間既「歸鄉運動」/#579 #469科學怪人 32. 啟德機場落成 咁之前就有提過創辦雅麗氏醫院既華人精英何啟,佢同金蛉一樣都可以話係百足咁多爪。佢同區德合作,打算喺九龍灣一帶進行填海計劃,之後起屋解決到華人居住問題之餘又有錢賺 何啟喺1914年7月去世,區德就繼承佢既遺志,搵大家個名各取一字成立「啟德營業有限公司」,同香港政府傾掂工程條款之後終於可以喺1917年開始填海 1920年,啟德公司完成咗第一期填海工程,而新既填海區就被命名為啟德濱 後來因為省港大罷工,加上中國同日本空軍都急速發展,對香港既空中防衛構成威脅,1925年香港政府已經認為香港應該要有一個機場 1926年,咁啱啟德公司又出現財困,加上新填海地係興建機場既一個合適地點,港督金文泰就向英國建議興建機場,並且預計要100萬港元買咗啟德公司既170公頃填海土地,另外要73萬8千完成剩低既填海工程,仲有27萬5千作為工程開支 只不過香港喺經過省港大罷工之後,貿易活動並未完全恢復,亦都已經向英國借咗150萬。所以香港需要得到英國既同意(借款)先至可以落實計劃 對於起機場,英國軍方係同意既,空軍部備忘錄都提到香港機場喺戰時既功能: 1. 抵禦敵方從空中同海路既襲擊 2. 為艦上航空隊(航母上既飛機)提供岸上設施 3.... Continue Reading →

今次打算用有趣、淺白既方法去講下香港歷史 (5)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以"/"標示 6. 內容太多, 呢邊會分開幾個post 7. 部分引用時事講笑(以"*"標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) 25. 香港間接參與第一次世界大戰/#378 26. 搶米風潮/#388 27. 香港機器工人罷工/#390 28. 香港蓄婢傳統既沒落/#407 29. 海員大罷工/#428 30. 孫中山教訓港督、訪港外交/#448 Offtopic 都市傳說: 共享單車免費借用大法/#460 31. 省港大罷工/#465 #378科學怪人 25. 香港間接參與第一次世界大戰 1914年8月,一次大戰爆發,英國加入協約國與同盟國開火。咁香港當時始終都係英國既一部分,所以都進入戰爭狀態。 第一件事,香港政府拘捕同驅逐境內200個德國僑民 另外因爲德國喺中國既山東省有據點,英國容許日本軍艦停泊喺香港鯉魚門,攻擊沿海既德國艦隻 但係最重要既貢獻,都係錢 一開始係喺1914年尾開始既戰事慈善捐款,咁就透過英皇海員救濟金、海陸軍盲人救濟會等既組織進行人道方面既經濟支援,到1918年已經一共籌到141萬港元 另外香港政府通過𣾀豐銀行發行戰事公債,年息六厘,用嚟支援英國既戰爭。可惜公債既認購並唔活躍,只有103人認購200幾萬港元債券 錢就永遠都唔夠,港督梅含理決定喺全港徵收7%既特別戰務差餉。對於有錢人嚟講係小事,但係對於窮人嚟講就好肉痛 當時一般華人文員月薪先得160,其中60要用嚟交房租,再收差餉會令佢地生活更加困難。立法局非官守議員覺得應該只係向有錢人收,但係梅含理就覺得應該要公平、人人有份,所以否決昨... Continue Reading →

今次打算用有趣、淺白既方法去講下香港歷史 (4)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以"/"標示 6. 內容太多, 呢邊會分開幾個post 7. 部分引用時事講笑(以"*"標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) 20. 香港政府開始禁鴉片/#278 21. 香港大學成立#288 Offtopic 海上消防 - 葛量洪號滅火輪 變 展覽館/#300 22. 九廣鐵路通車/#307 23. 第一位官學生出身兼遇刺既港督/#340 24. 香港華人罷搭電車/#356 Offtopic 建築文物公開展示既難處/#366 #278科學怪人 20. 香港政府開始禁鴉片 1839年林則徐因為鴉片嚴重影響吸食者健康而奉詔銷煙,英國亦因為咁而挑起戰爭 南京條約簽咗之後,雖然鴉片都係非法,但實際上已經可以喺通商口岸自由入口,香港亦都成為走私鴉片到中國各地既轉口港 喺香港,1858年起就實施鴉片專賣,以價高者得既方式玩投標,中標者會成為「鴉片專賣商」,可以喺三年間於香港提煉同售賣鴉片煙 除此之外仲有一項權利,就係如果有其他人走私鴉片而被香港當局充公,沒收之後係會歸鴉片專賣商,即係佢玩哂 去到1876年簽既煙台條約,通商口岸既鴉片正式合法化,外商只要每箱鴉片繳交30両海關正稅同80両厘金就可以合法銷售,令到鴉片貿易更加猖狂 去到1905年,清朝終於忍無可忍,發佈詔令喺十年內消除鴉片既毒害,初期措施包括對吸食者進行註冊同剷除喺中國國內既鴉片種植場 1906年5月30日,英國既國會議員泰勒喺國會動議譴責鴉片貿易,覺得雖然英國每年以此賺400萬鎊,但係唔道德... Continue Reading →

今次打算用有趣、淺白既方法去講下香港歷史 (3)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以"/"標示 6. 內容太多, 呢邊會分開幾個post 7. 部分引用時事講笑(以"*"標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) 16. [突發]香港宣佈成為疫埠/#193 Offtopic 我睇香港史既睇法/#215 17. 一直以來只針對華人既宵禁令終於取消/#222 Offtopic 柴油電動火車/#226 18. 雞,全部都係雞!/#240 19. 英國租借新界/#253 #193科學怪人 16. [突發]香港宣佈成為疫埠 依個標題如果喺沙士期間於舊登出現,相信會出現唔少感不安、揚言報警既巴絲 事實上喺2003年既愚人節,有個當年14歲既中學雞(其實大過我)就係咁樣同大家開咗依個玩笑,仲好好心機咁仿冒明報新聞網既格式 結果被廣傳到水糧、日用品都被搶購,真係超市同百貨公司都要多謝佢 由此可見,成為疫埠係好大件事,而香港真係喺1894年5月10日起做過 咁要追溯返1855年雲南政局動盪,清政府需要調集外省軍隊跨省鎮壓。本身源頭喺雲南既鼠疫就喺軍事行動結束之後被帶到全國各地。廣州同香港有輪船往來,亦都令到後來疫症可以傳入香港 喺1894年5月1日,廣州已經有近萬人因鼠疫死亡 5月8日,香港出現首宗確診個案,短短三日後已經被香港政府宣佈成為疫埠 做疫埠之後就當然可以頒佈命令抗疫,緊急狀態之下公共衛生都會比人權重要: 1. 所有病人需要轉到醫療船Hygeia 或潔淨局指定地方 2. 所有死者需要喺潔淨局指定位置下葬... Continue Reading →

今次打算用有趣、淺白既方法去講下香港歷史 (2)

(編註) 1. 原post link於此, 誠意鼓勵大家推推post 2. 為利於閱讀, 現只留有心回覆 3. 就史料爭拗卻未見詳盡觀點者亦刪去 4. 回應本blog初衷, 所有圖片均未有include 5. 引用內容以"/"標示 6. 內容太多, 呢邊會分開幾個post 7. 部分引用時事講笑(以"*"標示),編者會盡量加返註解係段尾 今次打算用有趣、淺白既方法去講下香港歷史全系列 致敬 科學怪人巴打 & 所有推post巴打 @LiHKG (/編註) 10. 略略講下九龍半島初期發展/#107 Offtopic 香港柴油電動火車 意外歷史/#110 11. 早期香港公務員制度/#119 12. 歡樂滿東華/#131 13. 非禮虐兒集中營 - 猜一痴線機構/#134 14. 香港西醫書院/#144 15. 由借錢文化講撕紙銀行/#152 #107科學怪人 10. 略略講下九龍半島初期發展 其實去到1858年,都未有九龍果陣,香港既本地稅收已經可以供給港府既長期開支,唔駛英國財政部再補貼 英國佔領九龍之後,擁有更多土地同維港既控制全權,令到香港既經濟更加繁榮 一開始英國為咗令到香港島可以有更多既土地發展,其實打算將尖沙咀劃為軍事用途 換言之,本身住喺尖沙咀既華人就要搬,咁唯一既選擇就係向北移動,於是就形成咗喺油麻地同旺角既華人社區 咁油麻地當時其實都近海既,有唔少居民靠捕魚為生。有漁船就即係有商機,於是沿岸附近開設咗唔少補充漁船所需既桐油店、麻繩店,油麻地依個名就係咁嚟 廟街巴絲應該就去得多,之但係有無留意條街其實係中間斷開,而斷開果個位就有天后廟建築群呢? 油麻地天后廟既沿革變化可以睇返小弟之前既歷史建築post,在此不重覆 但係想講既廟街個名正正就係因為天后廟,而廟街斷開就因為以前其實係兩條街嚟,廟北街同廟南街,去到1870年代先至合二為一... Continue Reading →

Powered by WordPress.com.

Up ↑