詳細嘅話要花啲時間🤣 不過簡單少少嚟講,文字絕對係好靚,睇吳煦斌個人會好投入咗大自然 佢啲意象寫得幾深同隱晦,唔易睇,我亦覺得自己未完全睇得明,遲啲會再睇多一兩次 但幾中意佢寫好多「他者」,無論係文化、經典故事同社會裡面,佢會寫啲比人忽略嘅角色,用佢地嘅角度寫,幾新鮮 每個人嘅文字唔多唔少反映性格同心境,好好奇點解佢會寫到咁陽剛氣嘅文字,一啲女性嘅味道都無 -- By Mo 2/2018

Advertisements

後殖民食物與愛情

「好像要真正能挑選什麼是自己要吃進口的食物,不是被各種力量擺佈了,你才是真正的獨立。」 《後殖民食物與愛情》如題所示,不離「後殖民」、「食物」與「愛情」。作者花十一年書寫香港1997年後的十年光境,一群人在後殖民時代交錯組成的12個食物與愛情相關小故事。 香港回歸後,人們走的走,留的留。回想97年前人心遑遑,害怕轉變,結果是「有轉變,但不是原來擔心的改變」。縱時代再多事件,市道再低落,人們還是要吃,也就少不了食物。香港混雜了中、西、不同階層的人,彼此或語言文化不通,可食物還是共同語言。書中細寫種種繁複和中西合壁的食物,有人講究純正,亦有人渴望集不同地方大成,正好是香港寫照。而「食色,性也」,也離不開愛情,浪漫也好離合也好,緣來緣去的淡淡故事成就此書,也許也是我們與身邊人的生活。 也斯寫了許多不同年齡、不同背景的人物。他在後記引用Walter Benjamin的話:「每個早晨帶來全球的新聞。然而我們卻匱乏有意義的故事。因為每件事傳到我們耳中之前,都早已被他人闡釋盡透了。換言之,現時發生的一切,不會對說故事有甚麼幫助,一切發生的只有利於資訊。事實上,說故事的藝術,正賴於在敍述時擺脫強加的解釋。」這正正是他在本書說故事的態度:沒有穿鑿附會的艱澀理論和詮釋,只是一些小城小事—— 他描述香港地道小事。試過從港島的CBD乘上個幾兩個鐘車到屯門探個朋友嗎?「才不過坐了一程960,愛時髦已像是歷盡滄桑」一句叫人會心微笑。至今仍被人笑為騎牛重地的新界西,看來不止十年光境,至今近上廿年也沒大轉變。 也有寫典型人物。如回味過往輝煌而不屑現今半中不西的老前輩、仰慕純正西方來佬嘢才是真正好嘢的「偽ABC」、由純樸女生變成把投資掛在嘴邊的勢利港女,也記載了很多夾雜在渴望為人認同,卻又自我迷茫的時代夾心人。或許中肯而言,「在這龍蛇混雜的江湖裡、儘管不少食肆浪得虛名,其實還是不少大隱於市的高手。在這價值標準混亂的時刻,各種平庸與偏激的言論各有市場。」就是香港城市人寫照,中西夾雜,是混亂也是豐富。 人們對話中也輕描淡寫地夾雜時代大事。相信大部分人也如故事中人一樣,受到種種大事直接影響的也許不多,雖稍有距離,但又是心有所感。雷曼事件、皇后碼頭、花園街大火、沙士、大陸假冒食物等等。閱讀此書就像回味自己一路的生活,重遇和邂逅不同的新舊臉孔。在現今2017年,中國與香港一國兩制的關係轉變加劇之際,此書對香港人的心態刻劃更是令人深有所感。無怪是第十一屆香港中文文學雙年獎的得獎作,值得推介。 - by Mo 3/2017 *** *** *** *** 後殖民食物與愛情 by 也斯 係小說,說是短篇集也可,長篇亦得,得左。 開篇一班老朋友於熟人酒吧雞手鴨腳亂中有序為久違嘅聚餐落手落腳,文句間滄桑似是末日前最後一次。之後每篇各登場一個客人做主角,故事有笑有淚,見證香港最光輝後殖民時代。 也斯寫後殖民嘅食物係name dropping,一心面向同享「集體味蕾記憶」嘅香港人,捨棄食家般費心累贅嘅描寫。耐唔耐附送一兩句咀刁刁評語。唔做作,係當年嘅飲食文化。 寫後殖民嘅愛情,同香港一d歷史事件綁埋一齊,情緒相當輕手唔甜唔膩,快刀斬亂麻。係回歸,沙士,雷曼呢d歷史大事面前,感情事顯得咁細碎,不如當記錄歷史咁jot低離離合合round 1&round 2,同埋保留偶爾瑣碎嗌交紀錄,等大家judge。A嘅罪名係「唔識食」,B嘅罪名係「膚淺」,C嘅罪名係「永遠扮受害者」,冇得上訴,槍斃。Bang! 反正香港地出名生活節奏快,精彩嘅野如同美食一樣泛濫,每樣都值得試下。香港人嘅拍拖同結婚,知道最終結果係邊個啱邊個錯就ok。過程唔好咁煩,唔洗太上心,最緊要努力返工,努力食好野。「香港人係咁架啦」 也斯記錄嘅係上一代香港人。係我地成日笑「唔敢罷工奴性好重」果代人。「唔敢罷工奴性好重」背後原來都有d故事。同樣係香港,本土可以有另一種解法。深入了解下佢地,所有取捨都咁合情合理。d前輩唔可以睇小。 當米線鋪開到成行成市被歸咎去「新移民多左」,當睇愛情小說講出黎會俾人笑,當鍵盤戰士都怕炒車保持沉默。我發覺我地呢代人比起「奴性好重」果班前輩多左好多自卑。 - by DKKI 2/2018

亦舒

見到樓上講亦舒 其實某程度上亦舒嘅男女主角背景設定同韓劇冇咩大分別,都係男嘅高大有錢靚仔,女嘅清秀倔強有氣質,只係啲對白同行為冇韓劇咁離地 睇咗好多年亦舒,最俾佢洗腦嘅係女人要經濟獨立,莊敬自強,唔好依賴男人,無論做咩事姿勢最重要,一露出狼相就輸了 佢啲舊作長篇中篇都好正,除咗朝花夕拾、我的前半生,喜寶外,玫瑰的故事、美麗新世界、圓舞,如果牆會說話都值得睇。近年嘅就算啦,覺得師太有啲似賣咗個名俾徒弟出書,同以前係兩回事嚟嘅。 利申:幾乎睇哂師太嘅小說同短篇 - By 青豆   亦舒同衛斯里,即係倪氏兩位作者,我認為18歲之後不宜再讀, 前者係用相對狹窄既視野睇世界,後者好似用文字拍電影,然而拍既係公式電影。 兩個作者無論寫得再多,都是作者,寫的東西都不會成為文學。 (你如果鍾意女性自主,何不聽聽維珍妮亞吳爾芙女士點講?) 有趣的是,香港女人鍾意睇既講愛情既女性作者,張愛玲亦舒深雪本身都冇咩愛情建樹 - By 傻祥扶弱 8/2017

本地作家 (2)

仙蒂, [14.03.17 23:29] 本地作家有冇啲係極力推介?冇乜點睇本地作家 呀力士, [14.03.17 23:30] [In reply to 仙蒂] 其實睇你點定義本地,好多都係台灣或大陸黎香港住 飽暖詩吟慾, [14.03.17 23:30] 劉以鬯 呀力士, [14.03.17 23:30] 陳雲啦!夠本土lol Many Many, [14.03.17 23:30] 黃仁逵 酸檸檬, [14.03.17 23:31] 課室有本酒徒冇人睇 如果我有多張船飛 你會唔會跟我走, [14.03.17 23:32] 也斯🤔 呀力士, [14.03.17 23:32] 認真推,劉紹銘、陳之藩、陳雲以前既書 仙蒂, [14.03.17 23:33] 喺書局成日見到王迪詩 仙蒂, [14.03.17 23:33] 邊個嚟 King Y, [14.03.17 23:33] [In reply to 仙蒂] 李怡算唔算... Continue Reading →

董啟章

Lok Yin Chan, [08.03.17 23:34] 我唔係睇好多香港文學,你地講嗰d都係聽過冇睇過😹 我睇得多嘅係董啟章,有佢嘅雙身、名字的玫瑰、衣魚簡史、天工開物、心、地圖集 呀力士, [08.03.17 23:37] 我有買左雙身🙈 仲未睇🙈🙈🙈 Lok Yin Chan, [08.03.17 23:38] [In reply to 呀力士] 好難睇⋯ 呀力士, [08.03.17 23:40] [In reply to Lok Yin Chan] 我記得有睇過董啟章既文 😂 好似係關於物件既故事 有d抽象,好難明⋯ 但係好多人都推薦佢,搞到覺得點都要睇下佢 Lok Yin Chan, [08.03.17 23:45] [In reply to 呀力士] 佢寫d野多好都好難明,句子又長,會有d難頂。寫物件有本《天工開物,栩栩如真》,幾得意。結構上似村上嘅書,用雙線發展,互相影響,幾正 飽暖詩吟慾, [08.03.17 23:53] 寫物件我就諗起董橋 呀力士, [08.03.17 23:54] [In reply... Continue Reading →

劉以鬯 小說篇

想問大家有冇睇過劉以鬯 佢啲意識流小說我真係睇唔明 本酒徒睇左幾頁就冇心機睇 - by 芒果小丸子 意識流 好耐冇聽過呢個字眼 真係好少同人講書 - 五月街 我又係睇咗少少就放棄咗 - by 西蘭椰菜花 真心冇咩文學底子 睇得好吃力 - by 芒果小丸子 哈 講起都有啲唔好意思 嗰陣係睇完eva 見啲人講意識流 就咁啱見到呢本書 睇咗陣已經唔知做緊乜 - by 西蘭椰菜花 如果鍾意故事性好強、章節分明、結構有序嘅小說,咁劉以鬯真係幾易入口 意識流有好多留白,叙事曖昧,好鬼多獨白同聯想,但如果跟到主角個思路,鑽入主角內心,就會覺得好睇 同人傾劉以鬯,一係好鍾意,一係就覺得好悶,永無中間 - by 奈良鹿仔 酒徒睇左10%到 其實幾流暢 意識流黎講斷片得唔嚴重 有d類似birdman 佢d文字功底麻麻... 好多"的" 故事啱啱展開 - by 五月街 酒徒同對倒都好睇 如果本身都鍾意睇村上樹/龍 應該一樣會鍾意 - by 無聊鬼王 2/2017

也斯

推本也斯嘅《喝一口茶》,報紙短文合集,每篇都係200字內,好啱隨身帶著睇,本書類似也斯嘅觀察日記,可以學到佢嘅發現美學,適合入門同培養興趣。 - by 穗人雪渡 中意中意看也斯的人 - by on77 也斯嘅《普羅旺斯的漢詩》都好睇,香港作家中我最愛也斯,佢寫嘅嘢有生趣,觀察角度夠獨特,但又唔會好似劉以鬯、董啟章之流令人覺得有距離,我自己視之為枯燥嘅都市生活中最佳的調味品。 - by 穗人雪渡 2/2017

張五常

之前睇 賣吉者言,睇返張五常講97問題又幾準,仲話將香港看成一個民族 - by 雪月花 計推斷中國經濟track record,未見過有人係佢個皮 - by 好似阿爺都buy佢的意見,利申:係甘易聽過下佢的事跡,佢係大陸搞緊實業就唔多掂 - by on77 2/2017

本地女作家

愛情小說嘅話 有本叫停車暫借問我覺得幾好睇 但幾年前睇情節印象唔太深 講唔到比你知 - by 失敗者的飛翔 咁多年本地小說剩係睇過停車暫借問,好野黎的 - 五月街 鍾曉陽喺停車暫借問之後好似無以為繼 如果講本地文學小說,陳慧嘅《拾香紀》一定唔可以忽略 - 奈良鹿仔 係 好可惜 講起本地野 好多人推李碧華 亦舒 但我真心唔鍾意果種銳利 覺得有d女作家情結矯枉過正 咁講唔知有冇人明 拾香紀會去搵下! - by 五月街 李碧華我幾鍾意 胭脂扣印象好深 佢仲有啲作品係講嘢食嘅 幾得意 亦舒就一直都未有興趣睇 - by 失敗者的飛翔 2/2017

梁文道: 我執 & 舌頭

我執, 呢本應該係最好睇嘅愛情散文. 如果Roland Barthes 係直接描述緊愛情嘅行為及形態, 咁道長就係以故事側寫愛情, 就好似素描打陰影ㄧ樣, 唔直接喺本體畫線, 反而用陰影襯托出愛情嘅每ㄧ面 舌頭, 第ㄧ次睇呢本書係三年前, 當時自己未做廚房(利申做左ㄧ年廚, 兩年半職barista), 未入水吧, 未了解現代飲食文化 (即係北歐NOMA, 日本Jiro Ono 嗰d大師同佢地背後嘅理念), 所以三年前當左地理故事咁睇, 半年前返睇好佩服佢作為ㄧ個文評人可以咁仔細了解每個主廚背後嘅哲學, 冷門地方料理嘅特色 - by 發酵麵包 2/2017

Powered by WordPress.com.

Up ↑