神遺棄的裸體

《神遺棄的裸體》 作者係日本人,用咗一段時候喺唔同嘅伊斯蘭教國度,同當地貧窮嘅人生活,並寫低唔同故事。 一如書名, 所有故事同性有關, 有普通賣淫嘅女人, 有變性人,有童妓,有幫人口交嘅婆婆。咁多個故事入面,我最有印象嘅係一個算命師,佢身處嘅地區喺一個有好多外籍家庭傭工嘅地方。依個算命師後生時都係做家傭,不過就畀老世強姦而且墮胎,佢唔係唯一例子,當地仲有千千萬萬個同佢相似經歷嘅女傭。咁後來佢喺當地成為一個算命師,為其他女傭算命,假其名算命,實際只係為佢地提供一個傾訴嘅機會。 本書仲有好多其他故事,但我差不多一年前睇,所以好多故事都淨係記得少少。 睇完後會發現所有事件嘅共通點唔係宗教,而係與貧窮同戰爭尤關。根本所有故事都可以發生、套用喺非伊斯蘭教國度…全本書宗教色彩唔算話好濃厚,唔知道係咪作者有意去宗教化,定因為依班被書寫嘅人「被神遺棄」。 由於全書只係一篇篇故事,所以未必好有脈絡咁, [[ 以被禁制的「性」,串連穆斯林國家的社會、經濟、歷史和文化問題]] (from書背介紹),本書只可以展示到一件件事, 而唔係同你分析有咩問題。 另外比起宗教,依本書其實更傾向展示一個地方入面,大多數人對弱勢嘅壓迫。 好攰…最後個point唔打了.. – By Tt Tt 6/2017 Advertisements Continue reading 神遺棄的裸體