黃勤帶影集

何藩依個名大家一定成日聽,佢拍嘅咸濕戲係無乜內涵,不過佢影嘅相真係誇啦啦。相信你搵嘅10張舊香港嘅相,都總有1張出自佢老人家鏡下。 咁小人最近認識咗另一位香港攝影師,叫黃勤帶,以上post咗幾張幾喜歡嘅作品 (其實仲有好多,但懶所以唔搵了) 先講以香港為題材嘅相,基本上我最喜歡係上面老伯寫字嘅一張,張相主體好明顯係置於右下嘅伯伯,但細心睇背景有兩隻毛筆字 : 平安。睇到依張相時,我諗起何藩,不過如果係由何藩處理同一題材,大概會抹咗啲雜物,包括背後嘅平安。 如果睇埋黃勤帶影香港嘅其他相, 會感覺到啲相冇咁工整, 畫面係會比較雜冇咁簡潔,但相對都冇咁悶。 攝影師除咗影香港, 仲喺89年上咗北京影民運,都出咗一本相集叫《89 廣場的日子》,依本相集最出名係領袖吾爾開希喺廣場同民眾對話嘅相,依張好似話係眾多影吾爾開希嘅相,捕捉得最好嘅(好似係)。不過我個人最喜歡都係上面「社會最不安定因素是貪官污吏」,依張相好多層次,前後好有張力好耐看。 手機影返出嚟係差咁啲,建議大家可以去西環嘅 Atum Image睇展覽,開放到8月中,順便可以睇埋相集 – By Tt Tt 6/2017 Advertisements Continue reading 黃勤帶影集