do androids dream of electric sheep

Mo admin, [Jan 6, 2018 at 11:35:46 PM]: 就睇完do androids dream of electric sheep 呀力士, [Jan 6, 2018 at 11:37:22 PM]: 講咩架 Mo admin, [Jan 6, 2018 at 11:45:10 PM]: world war 之後地球唔住得人,但啲iq 差嘅搬唔到去外星,只可以喺地球受污染物影響 外星嘅人會用啲仿真好高嘅機械人,無論智慧定構造,但地球唔容許呢啲機械人存在,會有啲bounty hunter 去hunt 啲逃走嚟地球嘅機械人,而去identify 呢啲機械人係人/唔係人靠嘅係機械人對人物無empathy 故事發展會思考好多點為之係「人」,人性係乜,如果假嘅像真到分唔清真假 咁真假又有乜所謂 佢裡面有啲mood machine, 可以dial 啲情緒比自己,可以係happy/sad... 咁情緒又點先為之開心唔開心,係咪一個dial 就可以掩蓋到自己「真實」嘅情緒,真同假嘅界線愈嚟愈blur

Advertisements

戀文的技術

AT, [Nov 6, 2017 at 6:33:54 PM]: ...書名:戀文的技術 作者:森見登美彥 書名睇落似係the elements of style之類嘅寫作工具書,但實際上係小說,而且唔係愛情小說,如果要歸類大概要稱之為無厘頭文學。 故事講述主角大學畢業後遠離家鄉進行研究,寂寞難耐又冇事可做,萌生左寫信鍛練寫作技巧嘅念頭。小說分左十二章,全部都係主角寫俾朋友嘅書信。例如第一章教個fd追女仔,但出親都屎橋,愚蠢程度超出常人,感覺似睇緊周星馳笑片;第二章寫強勢學姐,第三章寫補習學生......角色之間互有聯繫,咁多封信拼砌之後得出事情全貌。 雖然基本上冇對話,而且得主角單方面敍述,不過作者9up水平幾高,所以故事都幾生動豐富。另外,主角因應自己位置,寫俾唔同人會有唔同態度、內容取捨,好似佢寫俾妹妹就不斷美化自己,想佢尊敬自己。算係呢本書有趣之處。 PS 呢部用左唔少作者前作《春宵苦短,少女前進吧》neta,有興趣可以睇左先。

沒有色彩的多崎作和他的巡禮之年

村上春樹 沒有色彩的多崎作和他的巡禮之年 Colorless Tsukuru Tazaki and his Years of Pilgrimage 多謝書谷Gill巴打借我英文版☺️。果然比中文版譯得好太多,好流暢同簡潔。後尾我揭下中文版想知角色名個漢字係咩,賴明珠叫顏色人做「紅仔/藍仔」咁,覺得個親暱程度拿捏得唔太好,明明係令人沮喪嘅回憶黎。 情節背景故事,呢d元素係村上嘅書入面唔太係重點。多崎作中學時代同4個朋友有一段非常美好嘅友誼,果4位朋友嘅姓氏分別係4種顏色,係多崎作眼中佢地個性鮮明多姿多彩,多崎作覺得自己係colorless,係多餘嘅人。而巡禮之年係本書嘅主題曲。多崎作後來再遇到一位顏色人「灰」,同遇到佢生命中非常重要嘅女性。其他嘅唔劇透了。 書入面我鍾意嘅一句係「所謂talented ones係精密儀器,錯少少就冇辦法fully function。」(大意係咁)。呢句同故事冇乜關聯。比如主角就唔係咁。多崎作每個夜晚都寂寞到「男人老狗」狀態,到左朝早又變返一個可靠嘅Engineer。又比如4個朋友之一「白」,作為主題曲演奏者離開鋼琴唔再係talented ones。多崎作嘅寂寞好似霧氣咁蔓延,經村上精心營造讀者會好有共嗚。個故事冇乜指向性,每個人會睇到唔一樣嘅訊息。我會見到有d似國境之南果種emptiness,只係個root唔一樣。多崎作deliver一種更加universal嘅冇力感,「係我唔夠好所以註定得唔到幸福」,好似可以apply係任何人身上😭 不過多崎作缺少左用理性做手段幫自己搵出路呢種特質,我覺得有d可惜。村上唔擅長行理性路線。所以嫌本書太過風花雪月。未去個角色定居係我心入面咁鍾意。 -- DKKI 10/2017

雙城記

Cirilla💋💋💕 Angela Yuen💕💕💋, [Oct 27, 2017 at 4:45:21 PM]: 唔知算唔算書評 當我講下啟發/感想 可能有少少劇透 雖然睇到一半就會講 狄爾斯嘅《雙城記》當中 Charles同Sydney同時愛上一位叫Lucie嘅小姐 有趣之處係呢兩個人嘅樣貌都非常相似 兩人亦都向呢位美麗嘅金髮玩偶表露自己嘅愛意 然而 受幸運之神所眷顧嘅係Charles 點解溝到Lucie並唔係樣貌近乎相同嘅Sydney呢 Deleted Account, [Oct 27, 2017 at 4:54:34 PM]: 咁啱睇緊跟住睇到你呢段 Cirilla💋💋💕 Angela Yuen💕💕💋, [Oct 27, 2017 at 4:57:25 PM (10/27/17, 5:03:51 PM)]: 咁可能啲人就會諗 唔係樣嘅問題就係錢嘅問題啦 雖然Charles係一位教法文嘅家庭教師 稱得上中產階級 但Sydney亦唔係咩窮撚 係一位彼有地位嘅律師嘅助手 錢財方面唔見得輸畀Charles 當然狄更斯並冇講佢地兩位收入如何啦 呢段唔係咩重要嘢嚟 所以我認為決定性嘅因素在於其性格 Sydney 係一位陰鬱 憎恨自己 甚至厭世嘅人... Continue Reading →

誰殺了韋勒貝克(地圖與版圖) La Carte et le Territoire (The Map and the Territory)

聽完 Irwin 推介睇咗韋勒貝克(Michel Houellebecq) 嘅《誰殺了韋勒貝克》(Le carte et le territoire / the map and the territory),如果對藝術展、法國、人與人同社會距離、老病死有興趣嘅,呢本書應該好合口味,有Art 底嘅應該會有更深嘅理解同評價,唔怪得推介俾Noir,我都唔敢review 啲乜 除咗用文字虛構出幾個展覽同畫作好有趣外,作者都幾鋒利咁批判現化商業社會同藝術嘅關係、現代社會同有錢人嘅品味、倚賴現代科技而忽略基本等等。呢啲描寫係絕對尤重法國,預想咗將來法國嘅發展,藝術又以咩形態生存。 另外,幾中意佢對距離嘅描寫,處身喺社會裡面,人係孤獨嘅個體,同家人、愛人疏離,同愛人再親密原來都有不觸及嘅話題,反覆嘅遠離同靠近......氣氛好蒼白、淡如水 再強調,呢本嘢個譯名係好有問題,明明叫《地圖與版圖》(好似同Alfred Korzybski 有關),但因為作者寫自己比人剁碎咗就搬嚟做書名,仲要劇透咗內容......明明唔係推理小說🤔所以可忽略標題,拎上手睇睇 - By Mo 7/2017

誰殺了韋勒貝克(地圖與版圖) La Carte et le Territoire (The Map and the Territory)

irwin, [25.04.17 23:34] http://www.books.com.tw/products/0010578677 irwin, [25.04.17 23:36] 書譯名是on9, 不用理 irwin, [25.04.17 23:36] 應該係 地圖與版圖 誰殺了好似嗰啲hardboiled detective fiction 地圖與版圖係主角其中一個展品, 將大量地圖同相應地方既實照放埋一齊展覽 探討佢地既關係 Mo, [26.04.17 07:56] [In reply to irwin] 好有趣 Irwin 已讀? irwin, [26.04.17 07:56] 真係覺得有趣?! Mo, [26.04.17 07:57] 真呀 有啲想買 irwin, [26.04.17 07:57] 唔駛扮有興趣wo Mo, [26.04.17 07:57] [ 😂 Sticker ] irwin, [26.04.17 07:57] 我冇諗過有人會有興趣 irwin,... Continue Reading →

流浪者之歌

流浪者之歌是一個探討「人的精神道路」的故事。 主角悉達多從婆羅門的繼承者,為追求自我的本質流浪。途中,他曾成為沙門的苦行僧、聽佛陀的開悟、跟隨名妓和商人入世,體驗交歡、從商和賭博等種種「業障」,是經歷最深的沉淪和頓悟的故事。 此書論佛、論人。當中質疑人們以有形的規條和儀式,去追求無形的佛理。作者借悉達多表達言語是有所局限---知識可以傳達,但從智慧則只能感悟習得,不能言傳。 另外,書中也探討了出世與入世的觀點。出世者離開人群,視萬物為迷惑心神的魔障、種種情感只屬執迷;入世者則接納世界,以愛體悟萬物,視一切事物為佛法體現。赫塞明顯傾於入世,他記悉達多遇上不懂佛法的船夫,船夫日日傾聽河流之道,終得道於樹林成佛,得了心境的平靜,藉此闡述了人人可成佛、個人能自我救贖的道理。 書中還有種種就著群體間的關係、時間與當下、執迷、以及愛念情慾的討論。作者就佛理的討論深入,看時令人有所感、有所執、也有所放下,值得推薦一讀。 by Mo 17/4/2017

Angels & Demons 天使與魔鬼

此書為哈佛大學符號學家蘭登教授(Robert Langdon)系列的第一本,即《達文西密碼》(The Da Vinci Code)的「前傳」。蘭登系列還有《失落的符號》(The Lost Symbol)及《地獄》(Inferno)。 故事描述主角在梵蒂岡城的二十四小時冒險經歷。書中有不少對梵蒂岡城內的教堂及藝術品的描述,而所提及過的教堂及藝術品都係切切實實存在的。讀者可以很容易就代入角色,參與這場與神祕組織有關的解密之旅。而作者大多以數頁為一章節,令故事像電影一樣〞過場〞為故事增添緊湊性。 這次故事的主題為科學與宗教的對立。事端為書中的科學家Leonardo Vetra 找出造成宇宙大爆炸的反物質 (antimatter),重現宇宙的開始因凡事有正必有反,有物質(Matter)便有反物質、有光便有暗。發現反物質之一的科學家被殺及反物質被盜走隨即開始反物質大爆炸的倒數,科學研究院的院長便找上本書的男主角與女科學家維多利亞(Vittoria Vetra)去解謎。 而同一時間,在羅馬的天主教會因前任教宗去世,準備閉門舉行選出新教宗的同時收到自稱屬於光明會的綁架者來電。綁架者藉綁架參與教宗選舉的四位樞機及每小時殺一位樞機,以宣示該組織的能力及為天主教會在歷史中扼殺其組織的報復。 蘭登憑光明會傳達的訊息究竟能否及時找出每位樞機的所在地,找出反物質從而阻止可以毀滅整個梵蒂岡城的大爆炸呢? by Da 3/2017

Atlas Shrugged 阿特拉斯聳聳肩

"歷史上所有人都試過罷工,除做企業家。如果佢地罷工,會點?" 小說嘅故事係:一班天才企業家選擇唔再忍受輕視個人才華強調集體大愛嘅社會,突然消失,留低平庸無能嘅凡人係世上. 一開始凡人仲為此慶幸,但好快就開始發覺班天才係社會不可或缺嘅成員,開始哀求佢地回歸. 經過一番波折後,班天才先番番社會. 小說嘅故事可以講非常簡單,甚至係有卡通色彩.(大愛凡人認識自己錯誤後,教自己仔女唔好同其他人share玩具玩) 但係小說重點不在於此 - Rand係想透過小說表達自己嘅哲學理念(objectivism),揭示個人係自由放任資本制度中追名逐利係合道德嘅. 不過多數學者都忽視否定rand嘅觀念. - by Lonely Lonely Christmas 3/2017

1984

1984中間有好大段係故事裡面一本書嘅內容 長到我以為睇錯咗啲咩工具書 不過個故事好深刻 好好睇 睇完成晚訓唔著喺到諗諗諗 - by 西蘭椰菜花 個人覺得1984中文版一定要睇志文出版o個個譯版先最有味道 - by 有村架純旦那

Nausea 嘔吐

Nausea係Sartre寫既第一本書 講個主角有一日無端端好唔舒服 望住身邊每一樣事物都好似好陌生咁 所有野好似冇哂意義咁 然後發現原來每樣野都係好冇原因咁存在 - by 肚臍屎 2/2017

Of Mice and Men 人鼠之間

John Steinbeck同樣都係一個攞過諾貝爾文學獎既美國作家 of mice and men應該都係佢最出名果本 故事講讀得書少但係醒目既george同埋大家都諗唔明點解冇被George厭棄既輕度弱智大大舊但係心地好善良既Lennie 因為Lennie成日搞出禍佢地兩個經常又一個工作轉去另一個工作 目的係希望可以儲到錢買到塊好地開開心心咁生活 一路睇會聯想起the great gatsby講既追尋the american dream果類既野 討論到底追夢既同時我地放棄d咩/有咩代價 其實睇到差唔多完既時候都諗住其實個故事都係一般般諗住俾三粒星 不過冇諗到書既最尾幾頁竟然睇到個心有d唔舒服 有種唉住唉住既感覺 同樣又係一百頁 都值得睇下 - by 肚臍屎 2/2017

Powered by WordPress.com.

Up ↑